काठमाडौं । नेपाली सेनाको ट्रकको ठक्करबाट काठमाडौंको रत्नपार्क मोडमा एक स्कुटर चालकको मृत्यु भएको छ । मृत्यु हुनेमा काठमाडौँ महानगरपालिका–१३ ताहचल घर भएकी आकृति शर्मा रहेको प्रहरीले जनाएको छ ।

उपत्यका ट्राफिक प्रहरी कार्यालयका डीआईजी पोषराज पोखरेलका अनुसार घटनामा संलग्न प्र.३०१–००१ ग ३७०५ नम्बरको ट्रक चालक नेपाली सेनाका हवल्दार मोहम्मद नुर रयानदेबानलाई नियन्त्रणमा लिइएको छ ।

उनलाई प्रहरी वृत्त सिंहदरबारमा राखिएको छ । यसबारे थप अनुसन्धान भइरहेको पोखरेलको भनाई छ ।

नेपाली सेनाको ट्रकको ठक्करबाट महिलाको मृत्यु

प्रकाशित मिति: शुक्रबार, अशोज १९, २०८०, १२:३८ बेलुका

लेखक: समाचारपाटी