राष्ट्रिय सभा सदस्य गोपीबहादुर सार्की अछामीले सबै राजनीतिक दलहरुले जनताको आशा, विश्वास टुट्न नदिकन काम गर्नुपर्ने आवश्यकता रहेको बताउनुभएको छ ।

बिहीवारको राष्ट्रिय सभाको बैठकमा बोल्दै उहाँले यस्तो बताउनुभएको हो । उहाँले देशको अर्थतन्त्रको स्थिति र जनताको अपेक्षा, राजनीतिक परिवर्तनपछि राजनीतिक पार्टीहरुले पूरा गर्नुपर्ने थुप्रै दायित्वहरु बाँकी नै रहेको जिकिर गर्नुभयो । उहाँले सरकारले बजेटअघि सिद्धान्त र प्राथमिकताबारे बहस, छलफलको चरण अघि बढाएको भन्दै नीति निर्माणमा जनतालाई उत्साहित गर्ने खालको र जनताको विश्वास र आशा जित्ने खालको बनाएर जान आवश्यक रहेको बताउनु भयो ।

उहाँले भन्नुभयो, ‘सरकार र समीकरण बदलिएको छ । देशको अर्थतन्त्रको स्थिति र जनताको अपेक्षा, राजनीतिक परिवर्तनपछि राजनीतिक पार्टीहरुले पूरा गर्नुपर्ने थुप्रै दायित्वहरु छन्, चुनौतिहरु हाम्रा सामु छ । यि चुनौति सामना गर्न हामीले राष्ट्रिय सभामा, सबै राजनीतिक दलमा र प्रतिनिधि सभामा पनि सबैले नै जनताको आशा, विश्वास टुट्न नदिकन हामीले एकतावद्ध ढंगले एकरुपताका साथ जानुपर्ने चुनौति र आवश्यकता छ । नयाँ बनेको सरकारले बजेटअघि सिद्धान्त र प्राथमिकताबारे बहस, छलफलको चरण पनि छ । नीति निर्माण गर्दा, जनतालाई उत्साहित गर्ने खालको, जनताको विश्वास र आशा जित्ने खालको बनाएर जानुपर्छ ।’ उहाँले परिवर्तनको बीचबाट नयाँ ढंगले अघि बढ्न जरुरी रहेको बताउनु भयो ।

—न्युज एजेन्सी नेपाल

गोपीबहादुर सार्कीराष्ट्रिय सभा सदस्य

प्रकाशित मिति: शुक्रबार, फाल्गुन २५, २०८०, ११:२५ बिहान

लेखक: समाचारपाटी