आत्महत्या दुरुत्साहनको कसूरमा नर्सअनुमाकाे परिवारले दियाे सुजन ढकालविरुद्ध किटानी जाहेरी

वीर अस्पतालमा कार्यरत नर्स अनुमाको मृत्यु प्रकरणमा परिवारले डाक्टर सुजन ढकालविरुद्ध आत्महत्या दुरुत्साहनको कसूरमा किटानी जाहेरी परेको छ । प्रहरी वृत्त, बालाजु पुगेर डा. ढकाल र ढकालका बाबुविरुद्ध परिवारले जोहरी दर्ता गराएको प्रहरी नायब उपरीक्षक (डीएसपी) मनोजित कुँवरले बताउनुभयाे ।

उहाँले भन्नुभयाे, ‘घटनाबारे विस्तृत अनुसन्धान प्रहरीले गरिरहेको छ ।’ शव त्रिवि शिक्षण अस्पतालमा छ । भरतपुर महानगरपालिका–१ घर भएकी २९ वर्षकी अनुमा श्रेष्ठ बालाजुस्थित डा। ढकालको कोठामा शनिबार मृत अवस्थामा फेला पर्नुभएकाे थियाे ।

वीर अस्पतालमा कार्यरत आठौं तहकी स्थायी नर्सिङ अधिकृत अनुमान मृत भेटिएको स्थानबाट प्रहरीले सुसाइड नोट पनि बरामद गरेको थियो ।

प्रहरी अधिकृतहरुका अनुसार नोटमा विवाह नभएको विषय उल्लेख गरिएको छ । पारिवारिक स्रोतका अनुसार डा ढकाल र श्रेष्ठ लामो समयदेखि प्रेम सम्बन्धमा थिए । यसबारे परिवारलाई पनि जानकारी थियो र आउजाउ भइरहने गरेको प्रहरीले जनाएको छ ।

पछिल्लो समय श्रेष्ठले विवाह गर्न पटकपटक भन्दा ढकालले नमान्ने गरेको पाइएको प्रहरीले जनाएको छ । डा ढकाल कोशी अस्पताल विराटनगरमा कार्यरत हुनुहुन्थ्याे ।

पछिल्लो केही समययता नर्स श्रेष्ठ मानसिक समस्यामा रहेको अस्पताल स्रोतले जनाएको छ । उहाँ औषधि सेवन गर्दै मनोसामाजिक परामर्श पनि गराइरहनुभएकाे थियाे ।

आत्महत्या दुरुत्साहनवीर अस्पताल