हुम्लामा विपदबाट तीन करोडभन्दा धेरैको क्षति – Samacharpati Samacharpati हुम्लामा विपदबाट तीन करोडभन्दा धेरैको क्षति – Samacharpati
Samacharpati
बिहिबार, फाल्गुन १३, २०७७
  • होमपेज
  • हुम्लामा विपदबाट तीन करोडभन्दा धेरैको क्षति

हुम्लामा विपदबाट तीन करोडभन्दा धेरैको क्षति

हुम्लामा विपदबाट तीन करोडभन्दा धेरैको क्षति

कर्णबहादुर रोकाया, हुम्ला, ८ माघ । हुम्लामा आर्थिक वर्ष २०७६र०७७ मा विभिन्न प्रकारका ३८ विपदका घटनाहरूबाट तीन
करोडभन्दा धेरैको क्षति भएको छ । पीडितले राहत करीब तीन लाख मात्र पाएका छन् ।

जिल्ला प्रहरी कार्यालय हुम्लाको अभिलेख अनुसार गत आर्थिक वर्षमा हुम्लामा अबिरल वर्षाबाट २८, बाढीपहिरोबाट ४ र आगलागीबाट ६ गरी ३८ विपदका घटनाहरू घटेका छन् तर मानवीय क्षति भने भएको छैन । एक जना पुरुष मात्र सामान्य घाइते भएका छन् ।

यी घटनाहरूमा तीन चौपाया मरेका छन् । कुलो, खर्क, घट्ट, खानेपानी र सिंचाई जस्ता भौतिक पूर्वाधारहरूमा असर परेको छ । ३७ घर पूर्ण तथा आंशिक रुपमा क्षति भएका छन् । गत आर्थिक वर्ष मा अबिरल वर्षाबाट ४७ लाख ७२ हजार २०० सय क्षति भएको छ ।

बाढीपहिरोबाट ४ लाख २८ हजार र आगलागीबाट २ करोड ५६ लाख ४१ हजार ६ सय क्षति हुन पुगेको जानकारी जिल्ला प्रहरी कार्यालय हुम्लाका प्रमुख प्रहरी उपरिक्षक सूर्यप्रकाश सुवेदीले दिनुभएकाे छ ।

विपद राहतका लागि जिल्ला प्रशासन कार्यालय हुम्लाले गत आर्थिक वर्षमा २ लाख ८९ हजार ५०० मात्र राहत वितरण गरेको प्रमुख जिल्ला अधिकारी चिरञ्जीवी गिरीले बताउनुभएकाे छ ।

प्रहरी कार्यालयको अभिलेख अनुसार जिल्ला प्रशासन कार्यालय हुम्लामा विपद राहतका लागि निवेदन दिनेहरुले क्षति भएको एक प्रतिशतभन्दा पनि कम राहत पाएको देखिन्छ ।

आजको ट्रेन्डिङ समाचार

धेरै कमेन्ट गरिएका