डेनियल कटवालको डिजाइनमा नीलडेभिड्सको नयाँ फ्रेन्चाइजी मोडलको उद्घाटन – Samacharpati Samacharpati डेनियल कटवालको डिजाइनमा नीलडेभिड्सको नयाँ फ्रेन्चाइजी मोडलको उद्घाटन – Samacharpati
Samacharpati
बुधबार, बैशाख २९, २०७८
  • होमपेज
  • डेनियल कटवालको डिजाइनमा नीलडेभिड्सको नयाँ फ्रेन्चाइजी मोडलको उद्घाटन

डेनियल कटवालको डिजाइनमा नीलडेभिड्सको नयाँ फ्रेन्चाइजी मोडलको उद्घाटन

डेनियल कटवालको डिजाइनमा नीलडेभिड्सको नयाँ फ्रेन्चाइजी मोडलको उद्घाटन

काठमाडौं, २ माघ । नेपाल तथा भारतमा आफ्नो प्रतिभाद्वारा सेलिब्रेटी हेयर स्टाइलिसको रुपमा स्थापित भैसकेका अन्तर्राष्ट्रिय हेयर स्टाइलिस नीलडेभिड कटवालले आज माघे संक्रान्तिका दिनलाई आफ्नो सपना पुरा भएको दिनको रुपमा चित्रण गर्नुभएकाे छ ।

नीलडेभिडका १८ वर्षीय छोरा डेनियल कटवालले बुवाको सलून व्यवस्थापनलाई नयाँ स्वरुप प्रदान गर्नुभएकाे छ, त्यसैको उद्घाटन विहिबार दिउँसो एक भव्य समारोहका बीच सम्पन्न भएको छ ।

उद्योगपति राजेन्द्र खेतान, गायक प्रमोद खरेल, गायिका ईन्दिरा जोशी, मोडल दीपक घिमिरे तथा सञ्चारकर्मी सुशिल नेपालले संयुक्त रुपमा रिबन काटेर उक्त सलूनको उद्घाटन गर्नुभएकाे हाे ।

भारतको पुणेबाट सलोन म्यानेज्मेनट तथा फ्रेन्जाइज म्यानेज्मेनटमा उच्च शिक्षा हासिल गरेका डेनियलले सुन्धारास्थित यस काठमाडौं मलको पहिलो तल्लामा आफ्ना बुवाको सलूनको नयाँ फ्रेन्चाइजी मोडललाई आफ्नै डिजाइनमा तयार पार्नुभएकाे हाे ।

सलून उद्घाटन गर्दै उद्योगपति राजेन्द्र खेतानले नीलडेभिडले आफ्नो व्यवसायको उत्तराधिकारी पाएकोमा शुभकामना दिदैँ वधाइ दिदैँ सलून व्यवसायलाई जीवनशैलीको एउटा अंग बनाउन सफल भएकोमा वधाइ ज्ञापन गर्नुभयाे ।

गायक प्रमोद खरेलले डेनियल कटवाललाई सलून व्यवसायमा प्रगतिको कामना गर्दै आफ्ना बुवालाई नै नम्बर दुईमा पुर्याएर आफू नम्बर एक बन्ने शुभकामना दिनुभएकाे छ ।

गायिका ईन्दिरा जोशीले स्वदेशदेखि विदेशसम्म नीलडेभिड्स ब्राण्डले सबैलाई आकर्षित गर्न सफल भएकोमा वधाइ ज्ञापन गर्नुभयाे । मोडल दीपक घिमिरेले फेसन र मोडलिङको क्षेत्रमा नीलडेभिड्स सलूनले पुर्याएको योगदानको प्रशंसा गर्नुभयाे ।

सञ्चारकर्मी सुशिल नेपालले १५ वर्षअघि काठमाडौं मलबाटै प्रारम्भ भएको नीलडेभिड्सको यात्रा आज नेपाल र भारतमा फस्टाइरहेकोमा वधाइ ज्ञापन गर्नुभयाे ।

डेनियलले नीलडेविड्स ब्राण्डलाई थप उचाइमा पुर्याउने उदेश्यले नीलडेविड्स सलूनको यो नयाँ फ्रेन्चाइजी मोडल तयार पारेका हुन् । विहिबार माघ १ गतेदेखि नै फ्रेन्चाइजी मोडल सञ्चालनमा आउँदैछ ।

यो मोडल नेपाल तथा भारतका लागि फ्रेन्चाइजी मोडल हुनेछ । काठमाडौं मलको यो नयाँ मोडल जस्तै नेपालका विभिन्न शहरहरुहरुमा नीलडेविड ब्राण्डका नयाँ फ्रेन्चाइजीहरु २५ देखि ३० लाख रुपैयाँको लगानीमा खोल्न सकिने डेनिडल डेविड कटवालले बताउनुभएकाे छ ।

 

 

छोटो समयमै छोरा डेनियलले आफ्नो ब्राण्डलाई उचाइमा पुर्याउने कुरामा देखाएकोमा बुवा नीलडेविड ढुक्क हुनुहुन्छ ।नीलडेविड भन्नुहुन्छ –‘मेरो लक्ष्य र सपनालाई थप उचाईमा पुर्याउने उद्देश्यले मेरो छोरा डेनियलले आजदेखि काठमाडौं मलको पहिलो तलामा नेपाल र भारतमा नीलडेविड्स सलूनको फ्रेन्चाइज बिस्तार गर्ने लक्ष्यका साथ फ्रेन्चाइज मोडल सलून भब्य रुपमा शुभारम्भ हुँदैछ । तपाईंहरु सबैको माया र आशीर्वाद डेनियलप्रति रहिरहोस् । मेरो लक्ष्मीपुर, झापादेखिको यात्रालाई मेरो छोरा डेनियलले नयाँ कन्सेप्टमा अझ उचाई लग्ने सपना पुरा हुँदैछ ।’

समारोहलाई सम्बोधन गर्दै नीलडेभिड्सले सन् २०२२ मा नीलडेभिड्स फाउण्डेसन स्थापना गरेर एक सय जना गरिव तथा असाहय युवा–युवतीलाई हेयर एण्ड मेकअपको प्रशिक्षण दिएर रोजगारी समेत दिने घोषणा गर्नुभयाे ।

समारोहमा उहाँले निकट भविष्यमै चीनमा समेत आफ्नो शाखा विस्तार गर्न लागेको सुनाउँदै दुबई तथा अष्टेलियामा समेत नीलडेभिड्सको शाखा सञ्चालन गर्ने तयारी भैरहेको बताउनुभयाे ।

सञ्चारकर्मी नरेश भट्टराईद्वारा सञ्चालित उक्त समारोहमा फुटबलर समेत रहेका डेनियल डेभिड कटवालले पनि बुवाको ब्राण्डलाई अझ उचाइमा पुर्याउन मेहनत गर्ने धारणा व्यक्त गर्नुभयाे ।

यसैबीच डेनियलले नेपालमा साना शहरहरुका लागि लक्षित गर्दै आफ्नो नयाँ ब्राण्ड केश द हेयर शप समेत ल्याउँदैछन् । १२ देखि १५ लाख रुपैयाँसम्मको बजेटमा केश सलूनमा ३ सयदेखि ५ सय स्क्वायरमा सलून बनाउन सकिने डेनियल कटवालले बताउनुभएकाे छ ।

आजको राशिफल : २०७८ साल बैशाख २९ गते बुधवार

आजको राशिफल : २०७८ साल बैशाख २९ गते बुधवार

२०७८ वैशाख २९ बुधवार, प्रतिपदा – ललितपुर मत्स्यन्द्रनाथ रथारोहण, विश्व नर्स दिवस – 12 May 2021

मेष – चु, चे, चो, ला, लि, लु, ले, लो, अ – आश्वासन दिनेहरूले आफ्नो प्रतिबद्धता पूरा नगर्न सक्छन्। हल्लाको भरमा अरूको विश्वास गर्दा धोका हुन सक्छ। आफन्त र परिवारजनलाई समय दिनुपर्ने हुन सक्छ। कृषि, पशुपालन तथा घरेलु कामकाजमा बढी प्रवृत्त भइनेछ। बगैंचा, फूलबारी र घरको साजसज्जामा समय बित्नेछ। टाढिएका आफन्त, साथीभाइ नजिकिन सक्छन्। दोहोर्याएर प्रयत्न गर्दा लक्ष्य प्राप्ति हुनेछ।

वृष – इ, उ, ए, ओ, बा, बि, बु, बे, बो – अवसर र व्यवधानका बीचबाट कर्मफल हातपार्न सफल भइनेछ। अरूको विश्वास जित्न केही समय लाग्नेछ। तापनि प्रयत्न गर्दा दिगो फाइदा हुने काम हातलागी हुनेछ। सहयोगीहरूले साथ दिनाले चिताएका काम सम्पादन हुनेछन्। मिहिनेतले राम्रो परिणाम प्राप्त हुनेछ। भौतिक साधन जुट्नेछन्। उद्योग र व्यापारमा विशेष फाइदा हुनेछ। प्रतिस्पर्धीबाट जाेगिएर काम गर्नुहाेला।

मिथुन – का, कि, कु, घ, ङ, छ, के, को, ह – अध्ययनमा विशेष प्रगति हुनेछ भने ज्ञानलाई निखार्ने अवसर प्राप्त हुनेछ। सुखद् समाचारले उत्साह जगाउनेछ। आम्दानीका स्रोत बढ्नुका साथै दिगो फाइदा हुने काममा सम्झौता गर्ने समय छ। नयाँ काम प्रारम्भ हुनेछ। मिहिनेतले सम्मानित स्थान दिलाउन सक्छ। बौद्धिक अभिव्यक्तिको तारिफ हुनेछ। बोलीको प्रभावले आर्थिक क्रियाकलापमा समेत फाइदा हुनेछ।

कर्कट – हि, हु, हे, हो, डा, डि, डु, डे, डो – रमाइलो जमघटका बीच स्वादिष्ट भोजनको आनन्द प्राप्त हुनेछ। पहिलेको सफलताले थप हौसला जगाउनेछ। नयाँ कामको प्रस्ताव आउनेछ भने सहयोगीहरू प्रशस्तै भेटिनेछन्। बिछोडिएका परिवारजनसँग भेटघाट हुनेछ। पहिलेका कमजोरी सुधार्दै जीवनशैलीमा परिवर्तन ल्याउन सकिनेछ। बौद्धिक क्षमताको तारिफ हुनेछ भने व्यक्तित्व निखार्ने अवसर प्राप्त हुनेछ।

सिंह – मा, मि, मु, मे, मो, टा, टि, टु, टे – खर्च लागे पनि काम बन्नेछ। पछिका लागि केही वस्तु त्याग्नुपर्ला। दोहोर्याएर प्रयत्न गर्दा अवरोध हट्न सक्छ। आवश्यक पर्दा सरसापट वा कर्जामार्फत धन जुटाउन सकिनेछ। भेटघाटका लागि समय अनुकूल नदेखिए पनि टाढाका साथीभाइले काममा साथ दिनेछन्। केही खर्च बढ्नेछ। समयमा आलस्य गर्ने बानीले पछि परिनेछ। लगानी बढाउने अवसर भने प्राप्त हुनेछ।

कन्या – टो, प, पि, पु, ष, ण, ठ, पे, पो – कर्मयोगको विशेष फल प्राप्त गर्ने समय छ। प्रतीक्षित नतिजाले उत्साह जगाउनेछ। आयआर्जन बढ्नेछ भने उठ्नुपर्ने रकम हातलागी हुनेछ। कृषि, पशुपालन तथा व्यापारमा प्रशस्त फाइदा हुनेछ। चल-अचल धनको उपयोगबाट मनग्गे फाइदा उठाउन सकिनेछ। मिहिनेत गर्दा दिगो फाइदा हुने काममा जग बसाउने मौका छ। ऋण तथा कर्जा पनि चुक्ता गर्न सकिनेछ।

तुला – र, रि, रु, रे, रो, ता, ति, तु, ते – विशेष कर्म प्राप्तिको योग छ। तर अवसर र चुनौती एकसाथ देखा पर्ने हुँदा होसियारीसाथ काममा जुट्नुपर्ला। सामाजिक जिम्मेवारी बढ्नेछ। विशिष्ट व्यक्तिको सहयोग जुट्नेछ। आँटेको काम सिद्ध गर्न सकिनेछ। लगनशीलताले कीर्तिमानी दिलाउन सक्छ। सामाजिक नेतृत्व हातलागी हुने सम्भावना छ। व्यापारमा पनि राम्रै फाइदा हुनेछ। प्रतिष्ठित काम गर्ने अवसर मिल्नेछ।

वृश्चिक – तो, ना, नि, नु, ने, नो, या, यि, यु – सम्भावना र अवसर खोजी गर्ने समय छ। आजको मिहिनेतले भविष्यमा नाम र प्रतिष्ठा दिलाउन सक्छ। साथीभाइको सहयोगले हिम्मत दिलाउनेछ। दिगो फाइदा हुने योजना कार्यान्वयन गर्न सकिनेछ। सामाजिक दायित्व बढ्नेछ। सानो प्रयत्नले समाजका लागि फाइदा हुने काम सम्पादन गर्न सकिनेछ। तारिफयोग्य कामले लोकप्रियता दिलाउनेछ। अध्ययनमा प्रगति हुनेछ।

धनु – ये, यो, भ, भि, भु, ध, फा, ढ, भे – स्वास्थ्य कमजोर रहनेछ भने केही प्रतिकूल परिस्थितिसँग जुध्नुपर्नेछ। अशक्त अवस्थामा व्यस्तता बढ्नेछ। प्रतीक्षित नतिजा कमजोर देखिनाले काम दोहोर्याउनुपर्ला। हुलमुलमा धनमाल हराउन सक्छ। प्राथमिकताका आधारमा काम अघि बढाउन नसकिएला। सम्भावना देखिए पनि सोचेको उपलब्धि प्राप्त गर्न समय लाग्नेछ। शुभचिन्तकहरूकाे सहयाेगले काम बन्नेछ।

मकर – भो, ज, जि, खि, खु, खे, खो, गा, गि – सुन्दर पहिरनले व्यक्तित्वमा निखारता आउनेछ। आफन्तसँग रमाइलो भेटघाट हुनेछ। आकर्षक उपहारले उत्साह जगाउनेछ। मित्रता र प्रेमको बन्धन कसिनेछ भने अतिथिको रूपमा सत्कार प्राप्त हुनेछ। परिवारजनको साथ जुट्नाले अप्ठ्यारा परिस्थितिलाई सहज बनाउन सकिनेछ। भौतिक वस्तुहरू जुटाउन सकिनेछ। तर विवादास्पद निर्णयले समस्या निम्त्याउन सक्छ।

कुम्भ – गु, गे, गो, सा, सि, सु, से, सो, द – भौतिक साधन जुट्नाले दिगो काम प्रारम्भ हुनेछ। साहसी काम गरेर प्रशस्त लाभ उठाउन सकिनेछ। प्रतिपक्षीहरू समेत परिस्थितिले सहयोगी बन्नेछन्। प्रयत्न गर्दा विश्वास नलागेको काम समेत बन्न सक्छ। चुनौती चिर्दै काम बनाउन सकिनेछ। शत्रुहरू किनारा लाग्नेछन् भने प्रतिस्पर्धामा विजयी भइनेछ। पहिले दुश्मनी गर्नेहरूले भने केही समस्या निम्त्याउन सक्छन्, सजग रहनुहाेला।

मीन – दि, दु, थ, झ, ञ, दे, दो, च, चि – श्रम परे पनि सुखद् समाचारले उत्साह जगाउनेछ। तारिफयोग्य काम गर्दै धेरैको उपकार गर्न सकिनेछ। बुद्धिको उपयोगले लक्ष्य प्राप्त हुनेछ। आम्दानीका स्रोत पनि बढ्नेछन् र दिगो फाइदा हुने काम प्रारम्भ गर्ने समय छ। अध्ययनमा प्रगति हुनेछ भने ज्ञानलाई पनि निखार्ने अवसर प्राप्त हुनेछ। मिहिनेतले सम्मानित स्थान दिलाउनेछ। बौद्धिक अभिव्यक्तिको प्रभाव बढ्नेछ।