आज पौषे औँशी पितृ उद्धारका लागि गोकर्ण, बराहक्षेत्र आदीमा तिर्थ श्राद्ध – Samacharpati
Samacharpati
बिहिबार, माघ ८, २०७७
  • होमपेज
  • आज पौषे औँशी पितृ उद्धारका लागि गोकर्ण, बराहक्षेत्र आदीमा तिर्थ श्राद्ध

आज पौषे औँशी पितृ उद्धारका लागि गोकर्ण, बराहक्षेत्र आदीमा तिर्थ श्राद्ध

आज पौषे औँशी पितृ उद्धारका लागि गोकर्ण, बराहक्षेत्र आदीमा तिर्थ श्राद्ध

काठमान्डाैँ, २९ पुस ।  सनातन पात्रोमा एउटा मासमा ३० दिन हुन्छ र सामान्यतया औंशी चाँही महिनाको बिचमा पर्दछ । यस दिन महिनाकै सर्वाधिक अँध्यारो रात पर्दछ, चन्द्रमा पूर्णतया आकाश भित्र बिलाएको र नदेखिने भएको हुन्छ ।

औंशीलाई सामान्तया काला जादु र नकारात्मक उर्जाहरुको उजागर गरिने भयंकर रातहरुका रुपमा प्रस्तुत गरिने चलन छ । तर अरु दिनहरु झैं औंशी पनि सामान्य एउटा दिन हो जुन महिनाको एक दिन पर्दछ ।

पौष महिनाको औंशीको महत्व चाँही पितृकर्म, श्राद्ध अनि तर्पणका लागि विशेष रहन्छ । पौष महिनालाई सौधाग्य लक्ष्मीको मास पनि भनिन्छ ।

पौष औंशीलाई धनलक्ष्मी र धान्य लक्ष्मीको अर्चनाका लागि समेत महत्वपूर्ण दिन मानिन्छ । यस औंशीका दिन लताकपडा दान गरेमा केतु, राहु, शनी र बृहस्पति जस्ता ग्रहहरुको नकारात्मक प्रभाव छ भनें त्यस्लाई कम गर्ने खगोलशास्त्रीहरुको मान्यता रहेको पाइन्छ ।

यस औंशीका दिन तिल, बस्त्र, अन्न, पीण्ड लगायतका दानहरु गर्नाले राम्रो फल प्राप्त हुन्छ । मन्दिर, नदिकिनार र अन्य तिर्थस्थलहरुमा आज श्रद्धालुहरुको घुँईचो हुन्छ ।

मुख्यतया आजका दिन पितृ उद्धारका लागि काठमाण्डौको गोकर्ण, सुनसरीको बराहक्षेत्र, मुस्तागंको कागबेनी लगायतका ठाँउहरुमा भिँडभाड रहन्छ ।

पितृ उद्धारका लागि विश्वभरिका सनातन संस्कारका अनुयायीहरुले पौष औंशीलाई विशेष रुपमा लिनेगर्दछन् ।

ट्रेन्डिङ

धेरै कमेन्ट गरिएका