वीरेन्द्रनगरका एक सय छाडा चौपाया हुम्ला खार्पुनाथको कृषि फार्ममा – Samacharpati Samacharpati वीरेन्द्रनगरका एक सय छाडा चौपाया हुम्ला खार्पुनाथको कृषि फार्ममा – Samacharpati
Samacharpati
शुक्रबार, फाल्गुन २१, २०७७
  • होमपेज
  • वीरेन्द्रनगरका एक सय छाडा चौपाया हुम्ला खार्पुनाथको कृषि फार्ममा

वीरेन्द्रनगरका एक सय छाडा चौपाया हुम्ला खार्पुनाथको कृषि फार्ममा

वीरेन्द्रनगरका  एक सय छाडा चौपाया हुम्ला खार्पुनाथको कृषि फार्ममा

कर्णबहादुर रोकाया, हुम्ला, २४ पुस । कर्णाली प्रदेशको राजधानी वीरेन्द्रनगरको सडक, बजार तथा अन्य खुला क्षेत्रमा वेवारिसे अवस्थामा रहेका चौपायाहरुलाई हुम्ला खार्पुनाथ गाउँपालिकाका केही व्यक्तिहरुले आयआर्जनका लागि प्रयोग गर्ने भएका छन् ।

यसबाट निम्नस्तर तथा दलीत परिवारका मान्छेहरुलाई सहयोग पुग्ने भएको छ । पटक पटक सुर्खेत लगायतका नेपालका अन्य स्थानबाट कृषि प्रयोजनका लागि भन्दै यस्ता चौपायाहरुलाई हुम्लामा पुगाइएको विभिन्न तथ्य फेला परेको छ ।

यस अघि पनि यस्ता कामका लागि हुम्लाका विभिन्न गाउँपालिकाहरुका वडा अध्यक्षहरुबाट छाडा पशुवस्तु हुम्लामा ल्याउनका लागि सिफारिश गर्ने गरिएको छ । यस्तै खार्पुनाथ गाउँपालिका वडा नं ५ का वडा अध्यक्ष भीमबहादुर शाहीले स्थानीय दलीतहरुका लागि सिफारिश गरिएको स्वीकार गरेका छन् ।

उहाँले भन्नुभयाे यसबाट हुम्लाका दलीतहरुको आयस्तरमा वृद्धि हुने आशा गरिएको छ । उनीहरुले यस अघि पनि पटक
पटक यस्तो काम गर्ने जानकारी दिएका छन् । उच्च अदालत वीरेन्द्रनगर सुर्खेतले पनि यस्ता छाडा पशु चौपाया व्यवस्थापनलाई छिटो तह लगाउनका लागि आदेश पनि दिइसकेको छ ।

यसै आदेशलाई कार्यान्वयन गर्नका लागि वीरेन्द्रनगर पालिका सुर्खेतले पहिलो चरणमा हुम्लामा पठाउनका लागि एक सय छाडा पशु चौपाया विशेषतः गाईहरु हुम्ला पठाउन अनुमति दिएको छ ।

खार्पुनाथ गाउँपालिका वडा नं ५ का मोतीराम्या कामीले उक्त गाई हुम्ला ल्याउनका लागि सबै प्रक्रिया पुरा गरेर हिंडाएका छन् । उहाँले नगपालिकालाई आफुले तीन महिनामा हुम्ला खार्पुनाथमा रहेको कृषि फार्ममा एक सय गाई पुगाउने बाचा कबुल गरेको वीरेन्द्रनगर पालिकाका वातावरण तथा अनुगमन उपशाखाका प्रमुख यामलाल गिरीले जानकारी दिनुभयाे ।

पहिलो चरणमा हुम्ला खार्पुनाथमा रहेको कृषि फार्मका लागि एक सय गाई ल्याइएको छ । यो क्रम बढ्दै जाने भएको छ । हुम्लामा एक गाईको दशदेखि २५ हजारसम्म मोल पर्ने भएको छ ।

आजको ट्रेन्डिङ समाचार

धेरै कमेन्ट गरिएका