पोखरा । पोखरा आएका पर्यटकलाई आफ्नो होटलमा लैजान पिछा गरेर दुःख दिएको आरोपमा ९ जना पक्राउ परेका छन् । पक्राउ पर्ने ९ जनालाई प्रहरीले अभद्र व्यवहारमा अनुसन्धान गर्ने भएको छ । उनीहरुलाई जिल्ला प्रशासन कार्यालयले ५ दिन हिरासतमा राख्न अनुमति दिएको छ । पोखरामा पर्यटकलाई दुःख दिएको आरोपमा पछिल्लो डेढ महिनामा १८ जनाभन्दा बढी पक्राउ परिसकेका छन् ।
जिल्ला कास्की पोखरा महानगरपालिका वडा नं.९ पृथ्वीचोक, मुस्ताङ चोक स्थितमा सर्वसाधरण महिला तथा पुरुषहरु र अन्यत्र स्थानबाट आएका पर्यटकहरुलाई जबरजस्ती सवारी साधनबाट ओरल्ने, बाटो छेक्ने, राम्रो होटल मिलाईदिन्छु भनी झोलाहरु
तान्ने तथा पैसाको बार्गेनिङ गरी अनावश्यक दु:ख हैरानी समेत दिई अभद्र व्यवहार गर्ने निम्न स्थान बस्ने निम्न ९ जना व्यक्तिहरुलाई पक्राउ गरी निजहरुलाई सार्वजनिक हित, स्वास्थ्य सुरक्षा सुविधा र नैतिकता विरुद्वको कसुरमा दिन पाँच म्याद थप गरी अनुसन्धान प्रकृया अगाडी बढाईएको छ ।
पक्राउ पर्नेमा जिल्ला कास्की पोखरा महानगरपालिका वडा नं ९ बसपार्क बस्ने वर्ष ४० को रुपेन्द्र श्रेष्ठ , वडा ९ बसपार्क बस्ने वर्ष ३२ को मोहन आचार्य ,वडा ९ नागढुङ्गा बस्ने वर्ष ४० को नारायण अधिकारी , वडा ९ नागढुङ्गा बस्ने वर्ष ४४ को श्याम प्रसाद शर्मा , वडा ९ बसपार्क बस्ने वर्ष २५ को विकास कुंवर , वडा ९ पृथ्वीचोक बस्ने वर्ष २१ को बिमल ठकुरी , वडा ९ पृथ्वीचोक बस्ने वर्ष २१ को विकास श्रेष्ठ ,पोखरा महानगरपालिका वडा १३ पाटनबेसी बस्ने वर्ष २८ को रन्जन खड्का पोखरा महानगरपालिका वडा १७ ड्यामसाईड बस्ने वर्ष १९ को सविन नेपाली रहेका छन् ।