एन प्याव्सनको वक्तृत्वकलामा रत्नज्योतिकी अधिकारी प्रथम – Samacharpati
Samacharpati
सोमवार, माघ १२, २०७७

हालको खबर

  • होमपेज
  • एन प्याव्सनको वक्तृत्वकलामा रत्नज्योतिकी अधिकारी प्रथम

एन प्याव्सनको वक्तृत्वकलामा रत्नज्योतिकी अधिकारी प्रथम

एन प्याव्सनको वक्तृत्वकलामा रत्नज्योतिकी अधिकारी प्रथम

पोखरा, १२ मंसीर । नेशनल प्याव्सन कास्कीले आयोजना गरेको अन्तरविद्यालय स्तरीय नेपाली वक्तृत्वकला प्रतियोगितामा रत्नज्योति सेकेन्डरी स्कुलकी छात्रा अमृता अधिकारी प्रथम हुनुभएकाे  छ ।

प्रतियोगितामा राइजिङ स्टार एकेडेमीकी छात्रा खुशी विक द्धितीय, पोखरा क्याम्ब्रीज इङ्लीस स्कुलकी छात्रा सन्जना मगर तृतीय र अक्सफोर्ड स्कुलकी छात्रा रोशनी शर्मा सान्त्वना भएको कार्यक्रम संयोजक राजु कायस्थले जानकारी दिनुभयाे ।

शैक्षिक क्षेत्रमा कोभिड १९ को प्रभाव विषयमा राखिएको वक्तृत्वकला प्रतियोगिताको निर्णायकमा प्रा.डा.लक्ष्मीशरण अधिकारी, डा.कपिल अधिकारी र दिनेश अर्याल रहनुभएकाे  थियाे ।

प्रतियोगितामा नेशनल प्याव्सन कास्कीमा आवद्ध विद्यालयका विद्यार्थीको सहभागिता रहेको थियो । प्रतियोगितामा विजयी विद्यार्थीलाई मायाको चिनो र ट्रफी प्रदान गरिएको थियो ।

कोभिड १९ का कारण लामो समय सम्म विद्यालय वन्द भएको अवस्थामा विद्यार्थीलाई प्रत्यक्ष सहभागिता गराई विद्यार्थीको मनवोल उकास्ने हेतुले प्रत्यक्ष प्रतियोगिताको आयोजना गरिएको सह क्रियाकलाप प्रमुख राजु केसीले जानकारी दिनुभयाे ।

कार्यक्रममा बोल्दै प्रमुख अतिथि नेशनल प्याव्सनका केन्द्रीय वरिष्ठ उपाध्यक्ष ज्ञानेन्द्रमोहन भट्टराईले विद्यार्थीलाई प्रत्यक्ष सहभागिता गराएर कोभिड १९ को वारेमा जानकारी दिने गरी गरेको यो प्रतियोगिता नेपालकै उदाहरणीय भएको बताउनुभयाे ।

नेशनल प्याव्सन गण्डकी प्रदेशका अध्यक्ष याम खड्काले भाषाको विकास गर्न वक्तृत्वकला कोषेढुङगा सावित हुने बताउनुभयाे ।

निर्णायक प्रा.डा. कपिल अधिकारीले विद्यार्थीको क्षमता अभिवृद्धिमा एन प्याव्सन कास्की अग्रणी भूमिकामा रहेको बताउनुभयाे ।

निर्णाणक डा.कपिल अधिकारीले समयसान्दर्भिक विषयको उठान गरेर विद्यार्थीलाई यस विषयमा सचेत गराउने काम गरेकोमा धन्यावाद व्यक्त गर्नुभएकाे थियाे ।

निर्णायक दिनेश अर्यालले यो कोभिड १९ का कारण घर भित्रै रहेका विद्यार्थीलाई प्रत्यक्ष सहभागिता गराएर कार्यक्रम गरेको यो पहिलो भएको बताउनुभयाे ।

नेशनल प्याव्सन कास्कीका द्धितीय उपाध्यक्ष केशवशरण पौडेलले प्रत्यक्ष रुपमा सञ्चालन भएको प्रतियोगिताले सुसुप्त रहेको शैक्षिक जगतमा उर्जा थप्ने काम गरेको बताउनुभयाे ।

नेशनल प्याव्सन कास्कीका अध्यक्ष हेमन्त अधिकारीको अध्यक्षतामा भएको कार्यक्रमको सञ्चालन सदस्य शिवराज पौडेलले गर्नुभएकाे थियाे ।

ट्रेन्डिङ

धेरै कमेन्ट गरिएका