पोखरा फङ्की युनाइटेड क्लबलाई फुटसल उपाधि – Samacharpati
Samacharpati
बुधबार, मंसिर १०, २०७७
  • होमपेज
  • पोखरा फङ्की युनाइटेड क्लबलाई फुटसल उपाधि

पोखरा फङ्की युनाइटेड क्लबलाई फुटसल उपाधि

पोखरा फङ्की युनाइटेड क्लबलाई फुटसल उपाधि

पोखरा, २९ कार्तिक । पोखरा, सिर्जनाचोकको फङ्की युनाइटेड क्लबले ८० केजी तौल समूहको कास्की जिल्लास्तरिय खुल्ला फुटसल प्रतियोगिताको उपाधि जितेको छ ।

लेकसाइड युथ क्लबको आयोजनामा लेकसाइड फुटसल एरिनामा शुक्रबार सम्पन्न प्रतियोगिताको फाइनलमा भ्याली स्पोर्ट्स
रामबजारलाई ४–३ गोलले पराजित गर्दै फङ्की युनाइटेडले उपाधि जितेको हो ।

उपाधिसँगै फङ्कीले २० केजीको भेँडा र प्रमाणपत्र हात पारेको छ । उपविजेता भ्याली स्पोर्ट्स क्लब रामबजारले १७ केजीको
भेँडा र प्रमाणपत्रमा चित्त बुझाएकाे छ ।

प्रमुख अतिथि अखिल नेपाल फुटबल संघ (एन्फा) को फुटसल कमिटी केन्द्रीय उपाध्यक्ष विनोद गुरुङले विजेता तथा उपविजेता टोलीलाई पुरस्कार वितरण गर्नुभएकाे थियाे ।

सेमिफाइनलमा फङ्की युनाइटेडले आयोजक लेकसाइड एफसीलाई ५–० ले र भ्याली स्पोर्ट्स क्लबले केइआइसीलाई ४–२ ले पराजित गर्दै फाइनल पुगेको थियो ।

उमेर समूहका आधारमा नेपालमै पहिलो पटक आयोजना गरिएको प्रतियागितामा १० टिमको सहभागिता थियो । ‘कोरोनासँग लडौं, स्वास्थ्य सुरक्षा अपनाऔं’ भन्ने मूल नारासहित कोरोना महामारीको बेला लामो समय शून्य बनेको खेलकुद क्षेत्रलाई पुरानै अवस्थामा फर्काउन प्रतियोगिताको आयोजना गरिएको क्लबले जनाएको छ ।

क्लबका अनुसार स्वास्थ्य सुरक्षाको मापदण्ड अपनाउँदै प्रतियोगिताको आयोजना गरिएको हो ।

ट्रेन्डिङ

धेरै कमेन्ट गरिएका