काठमाडौं । नेपाली गीति भिडियो टिकुली ट्याक सार्वजनिक भएको छ ।
सोमवार काठमाडौंमा एक कार्यक्रमबीच भिडियो सार्वजनिक भएको हो । गायक नविनकिशोर राईको शब्दरचना रहेको गीतको भिडियोमा हरिष निरौला क्रकोच, प्रियना आचार्य मुन्नी, पुष्पराज ओझा, तुलसी घिमिरे, गरिमा शर्मा लगायतका कलाकारको अभिनय रहेको छ । रमेश प्रसाईंले गीतमा स्वर दिएका हुन् भने गीतको भिडियोको निर्देशन दीपक आचार्यले गरेका हुन् ।
कार्यक्रममा बोल्दै कलाकार दीपक आचार्य काकु ले पुराना सर्जकलाई नयाँ पुस्तामाझ चिनाउने कोशिस अनुसार गीत ल्याएको बताउनु भयो । उहाँले पुरानो समयमा मायाँ प्रेम कस्तो हुन्छ भन्ने रहर जागेर सोही अनुसारको खोजि गरी भिडियो सम्पादन गरेको उल्लेख गर्नुभयो ।
उहाँले भन्नुभयो, ‘पुराना सर्जकलाई नयाँ पुस्तामाझ चिनाउने कोशिस हो यो मेरो । रिंके फुंको राँगोलाईबाट मैले यो क्षेत्रमा लागेको हो । पुरानो समयमा मायाँ प्रेम कस्तो हुन्छ भन्ने रहर जागेर त्यही अनुसारको माहोल हामीले यो भिडियोमा राखेका छौँ । यो भिडियो संखुवासभा, धनकुटा, तेह्रथुम जिल्लामा रेकर्ड गरेको हो ।’
त्यस्तै कलाकार हरिष निरौला क्रकोच ले अन्य म्युजिक भिडियो भन्दा आफ्ना लागि यो भिडियो धेरै फरक रहेको महशुस गरेको बताउनु भयो ।
उहाँले भन्नुभयो, ‘यो मेरो भिन्न खालको भिडियो हो । मैले त्यही महशुस गरेको छु, कपाल देखाएर नै अन्य भिडियोमा काम गरेको थिएँ, यसमा त्यो छैन, मेरो अभिनय पनि फरक छ । काठमाडौं बाहिर गएर सुट गर्दा पनि धेरै रमाइलो भयो ।’
त्यस्तै कलाकार प्रियना आचार्य मुन्नी ले राम्रो टिमसँग राम्रोसम्ग काम गरेको बताउनु भयो ।
उहाँले भन्नुभयो, ‘धेरै राम्रो टिमसँग काम गर्न पाइयो यो खुशीको कुरा हो । सबै मिलेर इतिहास सम्बन्धी भिडियो बनाएका छौँ ।’
त्यस्तै वरिष्ठ गायक नविनकिशोर राईले आफूले लामो समय हिँडेर गीतहरु खोजि रचना गरेको आफ्नो विगतको अनुभव सुनाउनु भयो ।
उहाँले भन्नुभयो, ‘आफूले लामो समय हिँडेर गीतहरु खोजेको रचना गरेको हो । धनकुटा, धरान लगायतका धेरै ठाउँहरु हिँडेर मात्रै यी गीतहरु लेखेको हो ।’
म्युजिक भिडियो संखुवासभा, धनकुटा, तेह्रथुम गरी तीन जिल्ल्लामा छायांकन भएको हो । भिडियोमा गाउँ घरका कथावस्तु र पात्रहरुको अभिनयलाई ज्वलन्त प्रश्तुत गरिएको छ ।