तिब्बतबाट च्याङ्ग्रा नआउँदा हुम्लामा दशैँका लागि बली दिने भेडाबाख्राको अभाब – Samacharpati Samacharpati तिब्बतबाट च्याङ्ग्रा नआउँदा हुम्लामा दशैँका लागि बली दिने भेडाबाख्राको अभाब – Samacharpati
Samacharpati
बुधबार, फाल्गुन १२, २०७७
  • होमपेज
  • तिब्बतबाट च्याङ्ग्रा नआउँदा हुम्लामा दशैँका लागि बली दिने भेडाबाख्राको अभाब

तिब्बतबाट च्याङ्ग्रा नआउँदा हुम्लामा दशैँका लागि बली दिने भेडाबाख्राको अभाब

तिब्बतबाट च्याङ्ग्रा नआउँदा हुम्लामा दशैँका लागि बली दिने भेडाबाख्राको अभाब

कर्णबहादुर रोकाया, हुम्ला, १ कार्तिक । हुम्लामा यो वर्ष कोरोना महामारीले उत्तरी नाका बन्द हुँदा यो दशैंमा हुम्लामा भेडाबाख्राको अभाब हुने भएको छ । प्रति वर्ष दशैँको समयमा करीब १५र२० करोडको भेडाबाख्राको ब्यापार हुने गर्दथ्यो ।

हुम्ला जिल्लामा करीब १० हजारभन्दा धेरै घरधुरी रहेका छन् । त्यसमध्ये ८० प्रतिशतले दशैँलाई राष्ट्यि र आसुरी शक्ति माथि प्राकृतिक शक्तिले विजय पाउने आशा र जनविश्वासमा वर्षको एक पटक दुर्गा भवानीलाई बली चढाउँदा व्यक्तिगत, पारिवारिक, सामाजिक, मानसिक र अन्य भौतिकको अशान्ति हटेर शान्ति आउने जनविश्वास रहेको हुम्ली समाजको अध्येता डा . मानबहादुर रोकायो खोजी र अनुभवको मत रहेको छ ।

यसैले पनि मा मरी सुपा तोडीको काम हुँदा पनि हुम्लीहरूले यो पर्वलाई अनिवार्य रुपमा मनाउने गरेका छन् । कामको चटारोलाई केही समयका लागि थाती राखेर भए पनि दुर्गा भवानीको पूजाआजा गरेर दशैँ मनाउँदा ग्रहदशा शान्त हुने सिमकोट वडा नं ६ पाँबाडाको कालोसिल्ताका मुलधामी सोवन्ने रोकायाको भनाई रहेको छ ।

उहाँले भन्नेभयाे यो पर्वले रक्त बीजहरुलाई खुशी बनाएर दैवी शक्तिलाई अझ बलियो बनाउने राम्रो अवसर र समय भएकाले पनि बली दिनु अनिवार्य र उत्तम समय हो ।

यो वर्ष स्थानीयस्तर विभिन्न गाउँठाउँहरुबाट सीमित मात्रा भए पनि भेडाबाख्राहरु ल्याइए पनि माग धेरै भएको खसी व्यापारीहरुले बताएका छन् ।

गतसालभन्दा धेरै मोल पर्ने भएकाले पनि अहिले हुम्लीहरुको दशैं महंगो हुने सिमकोट गापा वडा नं १ ठेहे गाउँका हंस भण्डारीले बताउनुभयाे । के गरेर बलीका लागि खसी खोजेर ल्याउने हो परम्परा धान्नै पर्ने, मार हान्नै पर्ने के गर्नु उहाँले प्रतिप्रश्न गर्नुभयाे ।

हुम्लामा यो वर्षको दशैँमा करीब ४० प्रतिशत माग मात्र धान्न सकिने खसी व्यापारीहरुको अनुभव हरेको छ । यो वर्ष खसी ब्यापारबाट आम्दानी लिन नसकिने एकातिर खसी ब्यापारीहरु चिन्तित छन् भने अर्कातिर स्थानीयहरु पनि खसी नपाइने चिन्तामा रहेका छन् । यो वर्ष हुम्लामा ४ करोड जतिको मात्र दशैँमा खसीको ब्यापार हुने भएको छ । प्रति खसी १५देखि ३० हजारसम्म पुग्ने देखिएको छ ।

आजको ट्रेन्डिङ समाचार

धेरै कमेन्ट गरिएका