लाहाचोकमा रहेको महेन्द्र माविमा चार कोठे पक्की भवन, शौचालय र खानेपानी ट्याङकी निर्माण सुरु – Samacharpati
Samacharpati
शुक्रबार, मंसिर १९, २०७७
  • होमपेज
  • लाहाचोकमा रहेको महेन्द्र माविमा चार कोठे पक्की भवन, शौचालय र खानेपानी ट्याङकी निर्माण सुरु

लाहाचोकमा रहेको महेन्द्र माविमा चार कोठे पक्की भवन, शौचालय र खानेपानी ट्याङकी निर्माण सुरु

व्यक्तिको क्षमता, रुचि र चहाना अनुसार शिक्षामा जोड दिनुपर्ने सांसद बरालको भनाई

लाहाचोकमा रहेको महेन्द्र माविमा चार कोठे पक्की भवन, शौचालय र खानेपानी ट्याङकी निर्माण सुरु

पोखरा २६, असोज । कास्कीकाे माछापुच्छ्रे गाउँपालिकाको लाहाचोक स्थित महेन्द्र मावि मा मंसिर महिना भित्र सकिने गरी हाल चार कोठे पक्की (आरसिसि) भवन, शौचालय र खानेपानी ट्याङकी निर्माण कार्य सुरु भएको छ । राष्ट्रिय पुनः निर्माण प्राविधिकरण जिल्ला आयोजना कान्वयन इकाई (शिक्षा) कास्कीको आर्थिक सहयोगमा उक्त भौतिक संरचना निर्माणको कार्य सुरु भएको बिद्यालय व्याबस्थापन समितिका अध्यक्ष रामप्रसाद अधिकारीले बताउनुभयाे ।

करिब ९६ लाखको लागतमा चारकोठे भवन सहित ३ वटा सौचालय र ३ मिटर लम्वाइ, साँढे दुई मिटर चौडाइ र १.५ मिटर गहिराइको पानी ट्याङकी निर्माण हुने भएको अध्यक्ष अधिकारीकाे भनाइ छ । बिद्यालयमा हाल एक जिर्ण सहित ६ वटा भवन जसमा १८ कोठा रहेको बिद्यालयका प्रध्यानाध्यापक जगन्नाथ अधिकारीले बताउनुभयाे । यसैबिच, उक्त चार कोठे पक्की (आरसिसि) भवन, शौचालय र खानेपानी ट्याङकीको बिद्यालयमा हालै एक समारोहका बिच शिलान्यास समेत गरिएको छ ।

गण्डकी प्रदेशका सांसद रामजी बराल (जविन) ले उक्त भवनको शिलान्यास गर्दै समय सिमा भित्र रहेर गुणस्तरमा समेत ख्याल दियर उक्त संरचना निर्माण गर्न आग्रह गर्नुभयाे । शिक्षामा व्यापार गर्ने छुट आफुहरुले दिएको बताउनुभएका सांसद बरालले केही बिद्याथीहरु बाध्यताले गर्दा बोर्डिङ गएको उल्लेख गर्नुभयाे । सामुदायिक बिद्यालयको भौतिक संरचना निर्माण, यातायातको व्यबस्था र गुणस्तरिय शिक्षा सुधारमा खासै ध्यान नदिदा सामुदायिक बिद्यालयमा शिक्षाको स्तर खस्कदै गएको उहाँको आरोप थियो । व्यक्तिको इच्छा, चहाना र क्षमता अनुसार उनीहरुलाई खुल्ला छाड्नु् पर्ने सांसद बरालले बताउनुभयाे । सिपमुलक शिक्षा आजको आवश्यकता भएको उहाँकाे भनाइ छ । सांसद बरालले सवै नागरिकलाई सिप युक्त बनाउन प्रदेश सरकारले प्रदेश विश्वबिद्यालय स्थापना गर्न लागेको बताउनुभयाे ।

कास्कीको माछापुच्छ्रे गाउँपालिकामा महेन्द्र मावि सहितका केही बिद्यालयमा पूनः निर्माण अन्तरगत करिब १० करोड बजेट विनियोजन भएको जिल्ला समन्वय समिति कास्कीका प्रमुख बयन बहादुर क्षेत्री अधिकारीले दाबी गर्नुभयाे । धेरै दुःखले उक्त बजेट पारिएकोेले महेन्द्र माविमा हाल निर्माण हुने भवन सहितको संरचना समयमै निर्माण गर्न तर कुनै पनि वहाना बाजी नगर्न उहाँले आग्रह गर्नुभयाे ।

भौतिक संरचनासंगै गुणस्तरिय शिक्षामा सवै जुट्न प्रमुख अधिकारीले अनुरोध गर्नुभयाे । माछापुच्छ्रे गाँउपालिकाका अध्यक्ष कर्ण बहादुर गुरुङले भूकम्पले माछापुच्छ्रे गाँउपालिकामा केही प्रभाव परेकोले पुनः निर्माण, खानेपानी ट्याङकी र सौचालय लगायतका संरचनाका करिब २८ वटा योजना आफ्नो क्षेत्रमा परेको बताउनुभयाे । बिद्यालय व्याबस्थापन समितिका अध्यक्ष रामप्रसाद अधिकारीको अध्यक्षतामा सम्पन्न भएको कार्यक्रममा जिल्ला समन्वय समितिका सदस्य बिष्णु प्रसाद पौडेल, माछापुच्छ्रे गाउँपालिका ४, का वडा अध्यक्ष पूर्ण बहादुर शाही, नेकपा जिल्ला कमिटि सचिवालय सदस्य प्रमिला अधिकारी, नेकपाका नेता टेकबहादुर श्रेष्ठ, कांग्रेसका नेता मधु सुधन अधिकारी लगायतले शिक्षाको बारेमा चर्चा गरेका थिए ।

ट्रेन्डिङ

धेरै कमेन्ट गरिएका