बाढीपहिराले अवरुद्ध डुम्रे–बेसीशहर सडकखण्ड आजदेखि सञ्चालनमा–Samacharpati
Samacharpati
सोमवार, कार्तिक ३, २०७७
  • होमपेज
  • बाढीपहिराले अवरुद्ध डुम्रे–बेसीशहर सडकखण्ड आजदेखि सञ्चालनमा

बाढीपहिराले अवरुद्ध डुम्रे–बेसीशहर सडकखण्ड आजदेखि सञ्चालनमा

बाढीपहिराले अवरुद्ध डुम्रे–बेसीशहर सडकखण्ड आजदेखि सञ्चालनमा

लमजुङ, २४ भदौ । मङ्गलबार साँझबाट अविरल वर्षासँगै आएको बाढीपहिराले अवरुद्ध डुम्रे–बेसीशहर सडकखण्ड आज बिहान करिब ४ः०० बजेदेखि सञ्चालनमा आएको छ ।

सो सडकखण्डअन्तर्गत बेँसीशहर नगरपालिका–२ रानीकुवा नजिकै बोहोराबेँसीमाथिबाट आएको पहिराले अवरुद्ध सडक करिब पाँच घण्टापछि सञ्चालनमा आएको हो ।

स्थानीय नवीन धितालका अनुसार सो सडकभन्दा करिब २०० मिटर माथिबाट माटोको लेदोसहितको पहिराले करिब ३० मिटर सडक अवरुद्ध भएको थियो ।

सो पहिरो बेँसीशहर नगरपालिकाको आग्रहमा निर्माण व्यवसायी महेन्द्र बोहोराको डोजरले हटाएसँगै सडक सञ्चालनमा आएको धितालले बताउनुभयो । पहिराले सडक अवरुद्ध हुँदा विभिन्न ढुवानीका साधन, दूधका गाडीलगायतका सवारी साधन रोकिएका थिए ।

ट्रेन्डिङ

धेरै कमेन्ट गरिएका