गण्डकी प्रदेशमा ११ कोरोना संक्रमित थपिए, प्रदेशमा संक्रमितको संख्या २६१२ पुग्यो – Samacharpati Samacharpati गण्डकी प्रदेशमा ११ कोरोना संक्रमित थपिए, प्रदेशमा संक्रमितको संख्या २६१२ पुग्यो – Samacharpati
Samacharpati
बुधबार, फाल्गुन १९, २०७७
  • होमपेज
  • गण्डकी प्रदेशमा ११ कोरोना संक्रमित थपिए, प्रदेशमा संक्रमितको संख्या २६१२ पुग्यो

गण्डकी प्रदेशमा ११ कोरोना संक्रमित थपिए, प्रदेशमा संक्रमितको संख्या २६१२ पुग्यो

गण्डकी प्रदेशमा ११ कोरोना संक्रमित थपिए, प्रदेशमा संक्रमितको संख्या २६१२ पुग्यो

पोखरा, २३ भदौ । गण्डकी प्रदेशमा थप ११ जना कोरोना संक्रमित थपिएकाछन् । यो संगै प्रदेशमा कोरोना संक्रमितको संख्या २६१२ पुगेको छ । भरतपुर अस्पताल चितवनमा गरिएको परिक्षणमा नवलपरासी पुर्व ६ जना संक्रमित थपिएकाछन् । उनिहरु गैडाकोट नगरपालिका वडा नं. २ का ५७ वर्षिय १ जना महिला र २२ वर्षिय पुरुष रहेका छन् । त्यस्तै सोहि पालिकाको वडा नं. ५ का ३८ वर्षिय पुरुष र ३२ वर्षिय महिला रहेका छन् भने वडा नं. ८ का २५ वर्षिय महिला रहेका छन् ।

त्यस्तै गरि कावासोतीको वडा नं. २ का २३ वर्षिय महिलामा पनि संक्रमण पुष्टि भएको प्रदेश स्वास्थ्य निर्देशनालय पोखराले जनाकारी दिएको छ । यस्तै पोखरा महानगरपालिका वडा नं. १४ का ३७ वर्षिय पुरुष, १५ का २० वर्षिय पुरुष, १२ का २६ र २२ वर्षिय २ पुरुष र २७ का ४२ वर्षिय पुरुष रहेको प्रदेश स्वास्थ्य निर्देशनालयका निर्देशक तथा प्रदेश कोरोना नियन्त्रण तथा रोकथाम कार्यक्रमका प्रवक्ता विनोद विन्दु शर्माले जानकारी दिनुभयो ।

संक्रमितमध्ये पोखराका सबै पे क्लिनिकमा नमुना परिक्षणका लागि आएकाहरु रहेको उल्लेख छ । त्यस्तै नवलपरासी पुर्वका सबै व्यक्तिलाई आइसोलेशनमा राखिएको छ भने पोखरामा थपिएका संक्रमितलाई आइसोलेशनमा लैजाने तयारी भईरहेको निर्देशनालयले जनाएको छ ।

यस्तै कास्कीको अन्नपुर्ण गाउँपालिका १ का ६३ वर्षिय महिलाको भदौ २१ गते विरेन्द्र अस्पताल छाउनीमा मृत्यु भएको छ । ब्रेन ट्यमर तथा मृगौलाको समस्या भई अस्पतालमा उपचाररत उहाँको भदौको १९ गते कोरोना संक्रमण पुष्टि भएको जनाइएको छ । यसैसंगै गण्डकी प्रदेशमा कोरोनाको संक्रमणबाट मृत्यु हुनेको संख्या २० पुगेको छ ।

आजको ट्रेन्डिङ समाचार

धेरै कमेन्ट गरिएका