बारा । बाराको सिम्रौनगढ नगरपालिकामा प्रमुख प्रशासकीय अधिकृतलाई कार्यालयमा हाजिर गराउने विषयमा भएको झडपमा प्रहरीको गोली लागेर एक जनाको मृत्यु भगएको छ ।
गोली लागेर सिम्रौनगढ–१ का २५ वर्षीय लक्ष्मी मुखियाको विनको ज्यान गएको बाराका प्रहरी उपरीक्षक एसपी सुरेश काफ्लेले जानकारी दिनुभयो । झडपमा प्रहरीसहित अन्य केही व्यक्ति घाइते भएका उहाँले बताउनुभयो ।
कर्मचारी र जनप्रतिनिधिले प्रमुख प्रशासकीय अधिकृतलाई सिम्रौनगढ नगरपालिकाको कार्यकक्षमा हाजिर हुनबाट रोक्न खोज्दा विवाद भएपछि प्रहरीले गोली चलाएको हो । तलबको माग गर्दै दुई महिनादेखि आन्दोलन गर्दै आएका शिक्षक तथा कर्मचारी र जनप्रतिनिधिले प्रमुख प्रशासकीय अधिकृत महेशकुमार मिश्रलाई कार्यालयमा हाजिर हुन जाने क्रममा रोक्न खोज्दा झडपको स्थिति आएको एसपी काफ्लेले बताउनुभयो ।
कर्मचारीले प्रमुख प्रशासकीय अधिकृत मिश्र सवार बा २ झ ४३५४ नम्बरको गाडीमा तोडफोड गर्नुका साथै नगरपालिकाको कार्यकक्षमा समेत तोडफोड गर्न खोजेपछि प्रहरीले ३० राउन्ड अश्रु ग्यास र २० राउन्ड हवाई फायर गरेको एसपी काफ्लेले बताउनुभयो । झडप ३० राउण्ड अश्रु ग्यास र २० राउण्ड हवाइ फायर गरेको प्रहरीले जनाएको छ ।