फेक फेसबुक आइडी बनाई रकम असुल गर्ने पोखराका एक युवक पक्राउ–Samacharpati
Samacharpati
आइतवार, अशोज ४, २०७७
  • होमपेज
  • फेक फेसबुक आइडी बनाई रकम असुल गर्ने पोखराका एक युवक पक्राउ

फेक फेसबुक आइडी बनाई रकम असुल गर्ने पोखराका एक युवक पक्राउ

फेक फेसबुक आइडी बनाई रकम असुल गर्ने पोखराका एक युवक पक्राउ

पाेखरा, ३१ साउन । अर्काको नाममा फेसबुक खोली रकम असुल गर्ने पोखराका एक युवकलाई  कास्की प्रहरीले  पक्राउ गरेको छ । विभिन्न व्यक्तिहरूको फेक फेसबुक आइडी बनाई अनेक बहानामा उनीहरूका आफन्त र नजिकका व्यक्तिलाई म्यासेज पठाई रकम असुल गर्ने पोखरा – ३ नदीपुरका २१ वर्षीय रोशन हमाल पक्राउ परेको कास्की प्रहरी प्रवक्ता डिएसपी सुवास हमालले जानकारी दिएका छन् ।

रोशनले पछिल्लो समय वीरगन्जको एक बैङ्कमा कार्यरत कर्मचारीलाई सोही बैङ्कमा कार्यरत वरिष्ठ अधिकारीको नामको नक्कली फेसबुक एकाउन्ट बनाएर एक लाख रकम ठगी गरेको डिएसपी हमालले जनाएका छन् ।

डिएसपी हमालका अनुसार आफूलाई अति आवश्यक परेको भन्दै सिनियर अधिकारीलाई म्यासेज पठाएपछि सिनियर अप्ठ्यारोमा परेको भन्ने लागेर ती कर्मचारी इसेवा मार्फत तुरुन्त रकम ट्रान्सफर गरेका थिए ।

पक्राउ परेका रोशन यस अघि पनि विद्युतीय कारोबार ऐन,२०६३ विपरीतको कसुरमा ९ महिना थुनामा रहेको र जिल्ला प्रशासन कार्यालय कास्कीबाट सार्वजनिक अपराध मुद्दामा ५ हजार धरौटीमा छुटेका थिए ।

प्रहरीले रोशनलाई ठगी आपराधिक विश्वासघात तथा आपराधिक लाभ सम्बन्धी कसुरमा एक साता म्याद थप गरी अनुसन्धान भइरहेको जनाएको छ ।

source:pokharanews

ट्रेन्डिङ

Audio News

धेरै कमेन्ट गरिएका