नेपालमा ६७ प्रतिशतले कोरोनालाई जितेर फर्किए घर–Samacharpati
Samacharpati
मङ्लबार, अशोज १३, २०७७
  • होमपेज
  • नेपालमा ६७ प्रतिशतले कोरोनालाई जितेर फर्किए घर

नेपालमा ६७ प्रतिशतले कोरोनालाई जितेर फर्किए घर

नेपालमा ६७ प्रतिशतले कोरोनालाई जितेर फर्किए घर

काठमाडौं, ३१ साउन । कोरोना संक्रमणको जोखिम बढ्दै गए पनि सतर्कता अपनाउँदै मनोबल उच्च बनाउन सके यसलाई जित्न सकिने चिकित्सकले बताएका छन् ।

चिकित्सकका अनुसार संक्रमितमध्ये सय जनामा ६७ जना निको भएर घर फर्किएका छन् । कुल संक्रमितलाई आधार मान्दा एक सय जनामा ६७ जना निको भएर घर फर्किएका हुन् । अन्य केही पनि सन्चो हुने क्रममा रहेकाले कोरोना संक्रमण हुनेबित्तिकै मरिन्छ कि भन्ने डर र त्रास भने लिन नहुने चिकित्सकको सुझाव छ ।

संक्रमित २५ हजार ५ सय ५१ मध्ये हालसम्म १७ हजार ७७ जना डिस्चार्ज भएका छन्, जुन ६६ दशमलव ८३ प्रतिशत हो ।क्रमितहरू मध्ये डिस्चार्ज हुनेको संख्या पनि उल्लेखनीय रहेको भन्दै नआत्तिन र सतर्क रहनुपर्ने चिकित्सकको सुझाव छ ।

पछिल्ला २८ दिनमा ५ हजार ५ सय ४३ जना डिस्चार्ज भएका छन् । गत २ साउनसम्म ११ हजार ५ सय ३४ जना डिस्चार्ज भएका थिए ।

कोरोना भाइरस संक्रमण दर बढ्दै गएको भन्दै चिकित्सकले सतर्क रहन र आत्मानुशासन कायम गर्न सुझाव दिएका छन् । उनीहरूले सकभर घरमै बस्न आग्रह गरेका छन् । सकभर बाहिर ननिस्कन तथा निस्कनै परे भौतिक दुरी कायम गर्न र सरसफाइमा जोड दिन आग्रह गरेका छन् ।

स्वास्थ्य मन्त्रालयका प्रवक्ता डा जागेश्वर गौतमले अनावश्यक रूपमा बाहिर ननिस्किन आग्रह गरे । उनले भने, ‘घर बाहिर निस्किनै परे मास्कको सही रूपमा प्रयोग गर्नुपर्छ । हामी स्वयं सतर्क भयौं भने संक्रमण हुँदैन ।’ राजधानी दैनिकमा खवर छ ।

जनस्वास्थ्य विज्ञ डा रवीन्द्र पाण्डेले एकपटक निको भएका व्यक्तिबाट कोरोना संक्रमण नसर्ने भन्दै उनीहरूलाई शंका र दुव्र्यवहार गर्न नहुने बताए । उनले भने, ‘रोग प्रतिरोधात्मक क्षमता बढाउन पोसिलो खाना खाने र व्यायाम गर्ने गरौं ।

जति थोरै व्यक्तिसँग भेट गर्छौं, संक्रमण सर्ने सम्भावना कम रहन्छ । ’सरुवा रोग विशेषज्ञ डा शेरबहादुर पुनले कोरोनाबाट जोगिने उपाय भनेकै आत्मानुशासन रहेको बताएको छ ।

ट्रेन्डिङ

धेरै कमेन्ट गरिएका