डोटी । डोटीको जोरायल- ३ तोडेगडाका एक वृद्ध शव मृत अवस्थामा फेला परेकाे छ । अन्दाजी ६० वर्षका हिरालाल वली मृत अवस्थामा फेला पर्नुभएकाे हाे ।

भारतको सिम्लामा काम गर्दै आउनुभएका वली निर्वाचनमा मतदानका लागि घर फर्किने क्रममा जोरायल गाउँपालिका ३ चन्कट्टे नजिकै सेरी बर्बरा खेतमा बाटोको छेउमै मृत भेटिएकाे प्रहरीले जानकारी दिएको छ ।

अहिले ईलाका प्रहरी कार्यालय जोरायलका सइ गंगाराम टमाटा नेतृत्वको टोली घटनास्थल पुगेको छ । उहाँकाे साथमा झोला र नजिकै मदिराको बोत्तल पनि रहेकोले मदिरा सेवन गरी राती जाडोले कठ्याङ्ग्रिएर मृत्यु भएको हुनसक्ने अनुमान गरिएको छ । घटना हिजो राती भएको हुनसक्ने बताइएको छ।

source:-annapurnapost

dotikarnali pradesh

प्रकाशित मिति: शनिबार, मंसिर ३, २०७९, १२:१४ बेलुका

लेखक: समाचारपाटी