‘सामुदायिक वन माथिको तेहेरो कर फिर्ता लिन माग’–Samacharpati
Samacharpati
आइतवार, अशोज ४, २०७७
  • होमपेज
  • ‘सामुदायिक वन माथिको तेहेरो कर फिर्ता लिन माग’

‘सामुदायिक वन माथिको तेहेरो कर फिर्ता लिन माग’

‘सामुदायिक वन माथिको तेहेरो कर फिर्ता लिन माग’

पोखरा, १२ पुस । सामुदायिक वन उपभोक्ता महासंघ नेपालका केन्द्रीय अध्यक्ष भारती पाठकले सरकारले सामुदायिक वन माथि लगाएको तेहेरो कर तुरुन्त फिर्ता गर्नु पर्ने बताउनु भएको छ । सामुदायिक बन उपभोक्ता महासंघ गण्डकी प्रदेशद्धारा आज पोखरामा तेहेरो कर बिरुद्धमा आयोजित विरोध सभामा बोल्दै उहाँले समुदायिक वन समुहलाई तीनै तहका सरकारले छुट्टाछुट्टै गरि ९० प्रतिशत कर लिनु अवैज्ञानिक भएको बताउनुभएकाे थियाे ।

वन र बातावरण संरक्षणमा सामुदायिक वन समुहले गरेको योगदानका कारण नेपाल विश्वसामु सामुदायिक वनको देशका रुपमा परिचित हुन सफल भएको बताउँदै उहाँले एकव्दर प्रणालीबाट कर लिन सरकारसंग माग गर्नुभयो । सरकार र बन कर्माचारीबाट वन माथि पटक पटक आक्रमण गर्ने गरेको बताउँदै अध्यक्ष पाठकले तीनै तहका सरकारले लगायको तेहेरो करका विरुद्धामा सशक्त आन्दोलनमा उत्रने बताउनुभएकाे थियाे ।

कानूनी अवरोधका कारण उपभोक्ताले संरक्षण गरेको बनबाट पानी, दाउरा, जडिवुटी, काठ जस्ता बनपैदावार निकासीमा अप्ठेरो परेको कारण उपयोग गर्न नपाएको कारण नष्ट भएर खेर जाने गरेको उहाँको भनाई छ । उपभोक्ताले संरक्षण गरेको बनमा बैज्ञानीक वन व्यवस्थापन नीति लागु गरेर जथाभावि फडानी गरेको आरोप लगाउँदै उहाँले उक्त व्यवस्था खारेज गरि दिगो बन व्यवस्था गर्नुपर्नेमा जोड दिनुभएकाे थियाे ।

विरोध सभामा सामुदायिक वन उपभोक्ता महासंघ नेपालका केन्द्रीय उपाध्यक्ष भिमप्रकाश खड्काले हरियाली प्रवद्र्धनमा महत्वपूर्ण योगदान पुर्याउँदै आएको सामुदायिक वनको हक अधिकार सुनिश्चित गरेरै छाने प्रतिवद्धता व्यक्त गर्नुभयो । महासंघ गण्डकी प्रदेश अध्यक्ष कालीदास सुवेदीको अध्यक्षतामा भएको विरोध सभामा महासंघका केन्द्रीय महासचिव विर्खबहादुर शाही, सचिव ठाकुर भण्डारी गण्डकी प्रदेशका महासचिव रत्ना घिमिरे, महासंघ कास्कीका अध्यक्ष विश्वनाथ लामिछाने लगायतले सरकारले लगाएको तेहेरो कर फिर्ता नदिए सिहदरवार घेराउ, साङले जुलुस जस्ता दवावमुलक कार्य गर्ने घोषणा गर्नुभयो । ‘सम्पुर्ण सामुदायिक वनका उपभोक्ताहरु एक जुट हौं’ भन्ने नाराका सात प्रसिद्ध धार्मिक क्षेत्र विन्ध्यवासीनीबाट शुरु भएको विरोध र्याली नालाको मुख, तेर्सापट्टि, महेन्द्रपुल हुँदै मावन अधिकार चोकमा पुगेर विरोध सभामा परिणत भएकाे थियाे ।

हरि बास्तोला

ट्रेन्डिङ

Audio News

धेरै कमेन्ट गरिएका