जङ्गली हात्तीको आक्रमणबाट एकको मृत्यु, छ घाइते – Samacharpati Samacharpati जङ्गली हात्तीको आक्रमणबाट एकको मृत्यु, छ घाइते – Samacharpati
Samacharpati
बिहिबार, बैशाख २३, २०७८
  • होमपेज
  • जङ्गली हात्तीको आक्रमणबाट एकको मृत्यु, छ घाइते

जङ्गली हात्तीको आक्रमणबाट एकको मृत्यु, छ घाइते

  • रासस
  • बुधबार, मंसिर २५, २०७६
जङ्गली हात्तीको आक्रमणबाट एकको मृत्यु, छ घाइते

भीमदत्तनगर, २५ मङ्सिर । जङ्गली हात्तीको आक्रमणबाट कञ्चनपुरको महाकाली नगरपालिका–२ मा अवस्थित मायापुरी सामुदायिक वनमा एक महिलाको मृत्यु भएको छ । जिल्ला प्रहरी कार्यालय कञ्चनपुरका प्रवक्ता प्रहरी नायब उपरीक्षक नरेन्द्र चन्दले नगरपालिका–२ का ३८ वर्षीया वसन्ती भट्टको आज विहान मृत्यु भएको जानकारी दिनुभयो ।

स्थानीय ललिता बोहरा, सुनिता विष्ट, उमा साउँद र सुशीला बम घाइते आक्रमणबाट हुनुभएको छ । उहाँहरु बिहान घाँस काट्न जङ्गल जाँदा हात्तीको आक्रमणमा पर्नुभएको थियो ।

इलाका प्रहरी कार्यालय दोधारा चाँदनीका प्रमुख प्रहरी निरीक्षक चेतराम पनेरुले घाइतेमध्ये दुई जनाको अवस्था गम्भीर रहेको र उपचारका लागि भारतको खटिमा पठाइएको जानकारी दिनुभयो । उहाँले एकजना जङ्गलमा हराइरहेको हुँदा खोजीकार्यमा स्थानीय र प्रहरी जुटिरहेको जानकारी दिनुभयोे ।

आजको ट्रेन्डिङ समाचार

धेरै कमेन्ट गरिएका