इटहरीमा बहुवर्षे सडक शिलान्यास – Samacharpati Samacharpati इटहरीमा बहुवर्षे सडक शिलान्यास – Samacharpati
Samacharpati
शुक्रबार, फाल्गुन २१, २०७७
  • होमपेज
  • इटहरीमा बहुवर्षे सडक शिलान्यास

इटहरीमा बहुवर्षे सडक शिलान्यास

  • रासस
  • सोमवार, कार्तिक १८, २०७६
इटहरीमा बहुवर्षे सडक शिलान्यास

इटहरी, १८ कात्तिक । इटहरी उपमहानगरपालिकाले गौरवको आयोजनाका रुपमा निर्माण गर्न लागेको सडकको शिलान्यास गरिएको छ । इटहरी उपमहानगरपालिका–१८, १९ र २० लाई जोड्ने उक्त सडकको आज नगरप्रमख द्वारिकालाल चौधरीले शिलान्यास गर्नुभयो । नगरप्रमुख चौधरीले एक वर्षमा ३० किलोमिटर सडक निर्माण गर्ने नगरपालिकाको लक्ष्य रहेको बताउनुभयो ।

नगरलाई समृद्ध बनाउन यो सडकले महत्वपूर्ण भूमिका खेल्नेछ”, उहाँले भन्नुभयो । उपप्रमुख लक्ष्मी गौतमले नगरपालिकाका तीन वडालाई समेट्ने गरी ‘नो कमिशन नो करप्शन’ नीति अवलम्बन गरी सडक निर्माण गरिने बताउनुभयो । सडक निर्माणपछि नगरबस सञ्चालन गरिने उहाँले बताउनुभयो । नगरपालिकाका इन्जिनीयर जीवन घिमिरेले सो सडक १५ महिनाभित्र निर्माण गरिने बताउनुभयो ।

“सडक समयमै निर्माण नगरे म्याद थप गरिने छैन”, उहाँले भन्नुभयो । रु चार करोड ५७ लाखको लागतमा निर्माण हुने पाँच मिटर चौडाइको उक्त सडकको लम्बाइ साढे छ किलोमिटर रहेको छ । सडक निर्माणले कान्छीचोक, वडहरा, डकाहा, पटेरुवा, अमाहा र महुलियाका बासिन्दालाई सहज हुनेछ ।

आजको ट्रेन्डिङ समाचार

धेरै कमेन्ट गरिएका