कास्की क्षेत्र नं २ को उपनिर्वाचनका लागि रवीन्द्र अधिकारीकी पत्नी विद्या भट्टराईकाे नाम सिफारिश – Samacharpati
Samacharpati
शुक्रबार, माघ ९, २०७७
  • होमपेज
  • कास्की क्षेत्र नं २ को उपनिर्वाचनका लागि रवीन्द्र अधिकारीकी पत्नी विद्या भट्टराईकाे नाम सिफारिश

कास्की क्षेत्र नं २ को उपनिर्वाचनका लागि रवीन्द्र अधिकारीकी पत्नी विद्या भट्टराईकाे नाम सिफारिश

कास्की क्षेत्र नं २ को उपनिर्वाचनका लागि रवीन्द्र अधिकारीकी पत्नी विद्या भट्टराईकाे नाम सिफारिश

पाेखरा, १४ कार्तिक  नेकपा गण्डकी प्रदेश कमिटीले आसन्न कास्की क्षेत्र नं २ को उपनिर्वाचनका लागि तीन जनाको नाम केन्द्रमा सिफारिश गर्ने निर्णय गरेको छ । सिफारिश हुनेमा स्व पर्यटनमन्त्री रवीन्द्र अधिकारीकी पत्नी विद्या भट्टराईसहित सोमनाथ अधिकारी ‘प्यासी’ र राजकाजी गुरुङ ‘करण’ रहेका छन् । प्यासी नेकपाका पुराना वामपन्थी नेता हुन् भने करण विगत २०७४ को निर्वाचन कास्की २ (ख) बाट प्रदेशसभामा झिनो मतले पराजित हुनुभएको थियो ।

यसअघि नेकपा जिल्ला कमिटीको कात्तिक ८ गतेको निर्णयले विद्या भट्टराईको एकल नाम सिफारिश गरे पनि केन्द्रले तीन जनाको नाम सिफारिश गर्न भनेकाले दुई जनाको नाम थपिएको नेकपा गण्डकी इन्चार्जसमेत रहनुभएका मुख्यमन्त्री पृथ्वीसुब्बा गुरुङले जानकारी दिनुभयो ।

वरिष्ठताको आधारमा अधिकारी र जनजातिको कोटाबाट कास्की इन्चार्जसमेत रहनुभएका करणलाई सिफारिश गरिएको नेकपा गण्डकी संयोजक हितराज पाण्डेले जानकारी दिनुभयो । आगामी मङ्सिर १४ गते हुने कास्की क्षेत्र नं २ मा उपनिर्वाचन हुँदैछ । यसैबीच नेपाली काङ्ग्रेसले १६ जनाको नाम सिफारिश गरेर पठाएको छ भने उम्मेदवारको बारेमा आज टुङ्गो लगाउने भन्दै पदाधिकारी बैठक बस्ने बताइएको छ ।

ट्रेन्डिङ

धेरै कमेन्ट गरिएका