मुस्ताङमा शनिवार मार्फा स्वास्थ्य शिविर हुने – Samacharpati
Samacharpati
शुक्रबार, मंसिर १२, २०७७
  • होमपेज
  • मुस्ताङमा शनिवार मार्फा स्वास्थ्य शिविर हुने

मुस्ताङमा शनिवार मार्फा स्वास्थ्य शिविर हुने

मुस्ताङमा शनिवार मार्फा स्वास्थ्य शिविर हुने

मुस्ताङ, २६ भदौ । गण्डकी बोर्डिङ स्कुलका भूतपूर्व विद्यार्थीहरुले मुस्ताङमा निशुल्क स्वास्थ्य शिविर आयोजना गर्ने भएका छन् । गण्डकी बोर्डिङ स्कुल भूतपूर्व विद्यार्थी संगठन (एगबोसा) काठमाण्डौंको आयोजना तथा एग्बोसा उत्तर अमेरिकाको विशेष सहयोगमा भाद्र २८ गते शनिवार मुस्ताङको मार्फामा एक दिने शिविर हुन लागेको हो । मार्फा स्वास्थ्य शिविर नामक सो कार्यक्रममा सर्वसाधरणलाई स्वास्थ्य परामर्श, परिक्षण र औषधी वितरण गर्ने आयोेजकले जानकारी दिएको छ ।

गण्डकी बोर्डिङ स्कूल लामाचौर पोखराबाट उत्तीर्ण भूतपूर्व विद्यार्थीहरु शिविरमा प्रत्यक्ष सहभागी हुनेछन् । शिविरमा २२ जना चिकित्सकहरु संलग्न हुने एग्बोसा काठमाण्डौंका अध्यक्ष डा. सुजिता हिराचनले जानकारी दिइकी छिन् । ती चिकित्सकहरु गण्डकीका भूतपूर्व विद्यार्थीहरु हुन् । त्यसका अलावा आयोजक संस्था एग्बोसा काठमाण्डौंका ४० जना अरु पूर्व विद्यार्थीहरु पनि कार्यक्रममा सहभागी हुन हिराचनले बताइन् ।

उक्त शिविरमा सम्पूर्ण रोगहरु सम्बन्धी उपचार गरिनेछ भने सामान्य शल्यक्रिया पनि सम्पन्न हुुनेछ । आयोेजकले रगत जाँच, युएसजी, इसिजी लगायतका जाँचहरु तुरुन्त गरी सम्पूर्ण रोगहरुका निम्ति एक हप्तासम्म चाहिने औषधीहरु निशुल्क रुपमा उपलब्ध गराउनेछ । शिविरमा गण्डकी मेडिकल कलेज पोखराको प्राविद्यिक सहयोग र मार्फा स्थित विभिन्न संस्थाहरुले व्यवस्थापकीय भूमिका निवार्ह गरेका छन् । मार्फा स्थित नेपाल आर्मीको गणले प्रचार प्रसार लगायतको व्यवस्थापनमा सहयोग गरेको आयोजक संस्थाले बताएको छ । शिविरमा मार्फा सहित त्यस वरपरको स्थानबाट एक हजारजना सर्वसाधरणले सेवा लिने अपेक्षा गरिएको छ । गण्डकी बोर्डिङ स्कूल पोखरामा अध्ययन गरी काठमाण्डौंमा विभिन्न पेशा र व्यवसायमा रहेका भूतपूर्व विद्यार्थीहरुको सो संस्थाले यस अघि पनि विभिन्न जनचेतनामूलक तथा सहयोग कार्यक्रमहरु आयोजना गर्दै आइरहेको छ ।

ट्रेन्डिङ

धेरै कमेन्ट गरिएका