नुवाकोट । त्रिशूली नदीले बगाएर ल्याउने क्रममा नुवाकोटको दर्शनटारमा एक महिलाको शव फेला परेको छ । मृतकको पहिचानका लागि प्रहरीले घटनास्थल पुगेर शवको मुचुल्का उठाएको छ । 

विदुर नगरपालिकास्थित दर्शनटारमा बुधबार बेलुकी त्रिशूलीले बगाएर ल्याएको अवस्थामा करिव ३५ वर्षीया महिलाको शव फेला परेको जिल्ला प्रहरी कार्यालय नुवाकोटले जनाएको छ ।

नदीले बगाएर ल्याएको अवस्थामा महिलाको शव फेला परेपछि स्थानीयवासीले प्रहरीलाई खबर गरेका थिए । मृतक महिलाले घाँटीमा तिलहरी, शरीरमा प्याजी रंगको बुट्टे कुर्था र हरियो रंगको सुरुवाल हातमा केही  चुरा लगाएकी प्रहरीले जनाएको छ । शव घटनास्थल मुचुल्का गरी नुवाकोट जिल्ला अस्पताल त्रिशूलीमा राखिएको नुवाकोट प्रहरीको भनाइ छ । 

त्रिशूली नदीशव

प्रकाशित मिति: बिहिबार, साउन २५, २०८०, ८:१२ बिहान

लेखक: समाचारपाटी