पोखरा । पोखरा महानगरपालिका वडा नम्बर १७, छोरेपाटनमा सिद्धार्थराजमार्ग टोल विकास समितिको तदर्थ समिति गठन गरिएको छ । शनिबार विहान दुर्गा मन्दिर परिषरमा भएको टोल भेलाले रविन गुरुङ्गको अध्यक्षतामा नौं सदस्यित तदर्थ समिति गठन गरेको हो ।

समितिको उपाध्यक्षमा राममाया वास्ताकोटी, सचिवमा बेदराज ढकाल तथा कोषाध्यक्षमा वेदप्रसाद अधिकारी चयन हुनुभयाे । समितिको सदस्यहरुमा सरिता शर्मा, हिमलाल पौडेल, संजोग प्रधान, थमन परियार र विमल अधिकारी रहनुभएकाे छ ।

टोलका जेष्ठ नागरिक शोभाखर ढकालको प्रमुख आतिथ्यतामा भएको भेलाले उक्त समिति गठन गरेको हो । सो अवसरमा ढकालले टोल भित्रका विकृती विसङ्गती हटाउँदै स्वच्छ शान्त टोल निर्माणमा समिति लाग्नुपर्ने बताउनुभयाे । भेला पछि गठन भएको समिति टोल विकासमा लाग्ने अध्यक्ष गुरुङ्गले प्रतिवद्धता जाहेर गर्नुभयाे ।

समिति गठन

प्रकाशित मिति: शनिबार, फाल्गुन २०, २०७९, २:२८ बेलुका

लेखक: समाचारपाटी