Samacharpati
बुधबार, असार २४, २०७७
  • होमपेज
  • लकडाउनले रोक्याे मस्र्याङ्दी नदीमाथि निर्माण मोटरेवल पुल उद्घाटन

लकडाउनले रोक्याे मस्र्याङ्दी नदीमाथि निर्माण मोटरेवल पुल उद्घाटन

लकडाउनले रोक्याे मस्र्याङ्दी नदीमाथि निर्माण मोटरेवल पुल उद्घाटन

तनहुँ, १५ वैशाख । पुल निर्माण सम्पन्न भइसके पनि एक पुलको लकडाउनका कारण उद्घाटन रोकिएको छ । बन्दीपुर गाउँपालिका–४ विमलनगर र गोरखाको पालुङटार नगरपालिका–७ कुमालटारी जोड्ने गरी मस्र्याङ्दी नदीमाथि निर्माण गरिएको मोटरेवल पुल रु चौध करोड ८० लाखको लागतमा सपना निर्माण सेवा हेटौँडाले बनाएको निर्माण सेवाका सञ्चालक हरिप्रसाद ढकालले बताउनुभयो ।

करीब एक सय मीटर लम्बाइ रहेको उक्त पुलका चार पिलर निर्माण गरिएको छ । विसं २०७४ मा सम्झौता गरी यही वैशाख पहिलो हप्तामा सम्पन्न गरी उद्घाटन गर्ने कार्यक्रम थियो । पुल उद्घाटन गरी आवतजावत सहज गर्ने योजना रहे पनि लकडाउनका कारण रोकिएको मस्र्याङ्दी पुल संरक्षण समितिका संयोजक लालकुमार श्रेष्ठले जानकारी दिनुभयो । उक्त पुलबाट तनहुँ, गोरखा र लमजुङ जिल्लाका हजारौँ मानिस प्रत्यक्ष लाभान्वित हुने छन् ।

हाइटेन्सन लाइन हटेन
मोटरेवल पुल निर्माण सम्पन्न भइसके पनि पुल नजीकै रहेको विद्युत्को हाइटेन्शन लाइन हटाइएको छैन । एक वर्षअघिदेखि सडक डिभिजन कार्यालय र नेपाल विद्युत् प्राधिकरण कार्यालयमा पटक पटक ताकेता गर्दा पनि सुनुवाइ नभएको पुल संरक्षण समितिका अध्यक्ष श्रेष्ठले बताउनुभयो । उहाँले भन्नुभयो,‘विद्युत् हाइटेन्सन लाइनको दूरी नजिकै रहेकाले करेन्ट लाग्ने सम्भावना बढी रहेको छ ।’

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका