Samacharpati
शुक्रबार, जेष्ठ २३, २०७७
  • होमपेज
  • हेलिकप्टरमा पोखरा ल्याइएकी बागलुङकी गर्भवती महिलाको मृत्यु

हेलिकप्टरमा पोखरा ल्याइएकी बागलुङकी गर्भवती महिलाको मृत्यु

हेलिकप्टरमा पोखरा ल्याइएकी बागलुङकी गर्भवती महिलाको मृत्यु

बागलुङ, २ बैशाख । हेलिकप्टरमा उद्धार गरि पोखरा पठाइएकी ढोरपाटन नगरपालिका–१ की गर्भवती महिलाको मृत्यु भएको छ । गर्भवती हुन गाह्रो भएपछि सोमबार विहान ८ गते प्राथमिक स्वास्थ्य केन्द्र बुर्तिबाङ ल्याएकी ३३ बर्षिया भीमा पाण्डेलाई उपचारको लागि पोखरा पठाइएको थियो ।

उनको उपचारको लागि गण्डकी अस्पताल पोखरामा मृत्यु भएको जिल्ला प्रहरी कार्यालय बागलुङका एसपि नवराज भट्टले जानकारी दिनुभयो । उनलाई अस्प्तालमा पुर्याउँदा डाक्टरले मृत्त घोषणा गरेका थिए । पाठेघर भन्दा बाहिर गर्भबसी पाढेघरको नली फुटेर अधि रक्तश्राव भएको अवस्थामा बुर्तिबाङको प्राथमिक स्वास्थ्य केन्द्रमा ल्याइएको थियो । त्यहाँ उपचार सम्भवन नभएपछि एम्बुलेन्समा धौलागिरी अञ्चल अस्पताल बागलुङमा ल्याउन लागेपछि अधिक रक्तश्राव भएपछि बडिगाड गाउँपालिकाको कार्यालयबाट हेलिकप्टर मार्फत पोखरा पठाएको थियो ।

साढे १ महिनाको गर्भ रहेकी पाण्डेलाई जिल्ला प्रशासन कार्यालय बागलुङको समन्वयमा ‘दुर्गम क्षेत्रका ज्यान जोखिममा परेका गर्भवती तथा सुत्केरी महिलाका लागि हवाई उद्धारसम्बन्धी कार्यविधी २०७५’ अनुसार हेलीकप्टरबाट निशुल्क उद्धार गरिएको जिल्ला प्रशासन कार्यालय बागलुङका प्रमुख गौलोचन शैजुले जानकारी दिनुभयो ।

कार्यविधी अनुसार लगातार लामो प्रसव व्यथा लागेका, बच्चा जन्मिन कठिनाई भएका, गर्भमानै बच्चाको मृत्यु भएको, गर्भवस्थामा हात खुट्टा शरिर सुन्निएको, अधिक रक्ताश्राव भएको, रक्त अल्लपता भएका दुर्गम हिमाली र पहाडी ३४ जिल्लाका महिलालाई निशुल्क हवाई उद्धार गरिन्छ ।

यो कार्यविधीमा उल्लेख भए अनुसार गण्डकी प्रदेशका बागलुङ, म्याग्दी, मुस्ताङ, मनाङ र गोरखाका गर्भवती तथा सुत्केरी महिलालाई सरकारले निशुल्क उद्धार गर्ने गरेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका