Samacharpati
बिहिबार, चैत्र २७, २०७६
  • होमपेज
  • भुटानी नेपालीले ल्याए कोराना कहर बीच ‘शितल चौतारी’ (भिडियो सहित )

भुटानी नेपालीले ल्याए कोराना कहर बीच ‘शितल चौतारी’ (भिडियो सहित )

काठमान्डाैँ, १३ चैत । कोराना कहर बीच गायक ज्ञान घिसिङले संगीत मार्फत शितलता प्रदान गर्न ‘शितल चौतारी’ सार्वजनिक गरेका छन् । गीतमा शब्द गायक घिसिङको रहेको छ भने संगीत ओम सुनारको रहेको छ । गीतमा स्वर ज्ञान घिसिङ र दिपा लामाको रहेको छ । गीतको संगीत संयोजन राजु कार्कीले गरेका हुन् ।

म्युजिक भिडियोमा स्वयम् गायक घिसिङ र रक्षा श्रेष्ठ फिचर्ड छन् । अजय रेग्मीले छायांकन गरेको भिडियोलाई पवन सुवेदीले सम्पादन गरेका हुन् । सागर लामा ”गोले” र माधव श्रेष्ठले भिडियो कोरियोग्राफी गरेका हुन् । शिव बिकको निर्देशनमा भिडियो तयार भएको हो ।

अमेरिकामा रहेका गायक घिसिङले हालै मात्र राजधानीमा एक कार्यक्रम गरेर आफ्नो पहिलो डेब्यु एल्वम ुसम्भवु सार्वजनिक गरेका थिए । यस एल्वम भित्र ६ वटा गीत संग्रहित छन् । ६ वटा गीत मध्य ४ वटा गीतमा स्वयम् गायक घिसिङको स्वर र संगीतमा रहेको छ । ४ वटा युगल गीत रहेको एल्वममा गायक घिसिङलाई निर्मला घिसिङ, मेलिना राई र दिपा लामाले स्वरमा साथ दिएका छन ।

संघर्षपुर्ण जीवन बाट माथि उठेका गायक घिसिङले ७ वर्षको उमेरमा नै भुटानमा ब्राशब्याण्डमा समेत काम गरेका थिए । भुटानमा चलेको राजनीतिक आन्दोलनका कारण ४ वर्ष उनले आफ्नो पढाई समेत छोड्न पर्यो पछि उनि नेपालमा सन् १९९२ मा आफ्नो परिवार सहित शरणार्थी शिविरमा बस्न थाले । झापाको शरणार्थी शिविरमा हुर्किएका घिसिङले दमक मोडल कलेजबाट आफ्नो स्नातक पुरा गरेका हुन् ।

आफ्नो बुवालाई आफ्नो पहिलो शिक्षक मान्ने गायक घिसिङ हाल अमेरिकामा शिक्षक , ईण्टरटेनर , व्यवसायीको रुपमा काम गर्दै आएका छन । गायक घिसिङले आफ्नो नयाँ म्युजिक भिडियो ”शितल चौतारी” लाई माया गरिदिन सम्पुर्ण स्रोता, दर्शक तथा मिडिया हाउसलाई आग्रह गरेका छन् । । हाईलाईटस नेपालको अफ़िसिएल च्यानल मार्फत सार्वजनिक गरिएको भिडियोलाई सकारात्मक प्राप्त भैरहेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका