Samacharpati
बिहिबार, चैत्र २७, २०७६
  • होमपेज
  • उपभोग्य वस्तुको प्रयोगसम्बन्धी विद्यालय सचेतना कार्यक्रम

उपभोग्य वस्तुको प्रयोगसम्बन्धी विद्यालय सचेतना कार्यक्रम

उपभोग्य वस्तुको प्रयोगसम्बन्धी विद्यालय सचेतना कार्यक्रम
इटहरी, २७ पुस । उपभोक्ताहरुलाई जागरुक तथा प्रभावकारी बनाउने माध्यमका रूपमा विद्यार्थीहरुलाई लिएर स्वस्थ र स्वच्छ उपभोग्य वस्तुहरुको प्रयोगमा जोड दिँदै सुनसरीमा विद्यालय शिक्षा कार्यक्रम सञ्चालनमा ल्याइएको छ । घरेलु तथा साना उद्योग कार्यालय इटहरीले सचेतना कार्यक्रमअन्तर्गत अन्य प्रकारको कार्यक्रमभन्दा विद्यालय कार्यक्रम प्रभावकारी हुने ठहर गरी विद्यालयमा सचेतना कार्यक्रम शुरु गरेको हो ।
उपभोक्ताहरुको जीवन उपभोग्य वस्तुहरुका कारण राम्रो तथा नराम्रो हुने भएकोतर्फ लक्षित गर्दै उपभोक्ताहरुलाई स्वस्थ र स्वच्छ उपभोग्य वस्तुहरुको प्रयोगका विषयमा सहजरूपमा सचेतना अभिवृद्धि गर्ने लक्ष्यसहित विद्यालय शिक्षा कार्यक्रम शुरु गरिएको कार्यालयमा प्रमुख विश्वेश्वर रेग्मीले जानकारी दिनुभयो । अन्य माध्यमका तुलनामा विद्यार्थीहरुलाई सहभागी गराएर गरिने सचेतनामूलक कार्यक्रम प्रभावकारी भएकाले अन्य विद्यालयका विद्यार्थीलाई समेत उपभोक्ता जागरण र स्वच्छ बजारका विषयमा शिक्षा कार्यक्रम सञ्चालन गरिने रेग्मीले जानकारी दिनुभयो । उपभोक्ताका हितका लागि भनेर विभिन्न किसिमका ऐनकानून बनाइए पनि प्रभावकारीरूपमा अनुगमन नभएका कारण उपभोक्ताहरु हालसम्म पनि ठगिँदै आएका छन् ।
उपभोक्ताहरु मूल्य तौल र गुणस्तरमा ठगिने क्रम जारी रहेको छ । यसैलाई दृष्टिगत गरी विद्यार्थीका लागि सञ्चालन गरिएको सचेतना कार्यक्रम प्रभावकारी हुने विद्यार्थीले समेत विश्वास लिएका छन् । कार्यक्रममा सहभागी ज्योति मावि इटहरीका विद्यार्थीहरु आफूले पाएको ज्ञान घरपरिवार गाउँसमाजमा बाँड्ने बताउँछन् । विद्यार्थीले आफूहरुले विद्यालयमा सिकेको भनेर आफ्नो परिवार तथा गाउँघरमा सुनाउने कार्य अन्य माध्यमबाट गरिने प्रचारप्रसारभन्दा प्रभावकारी हुने भएकाले उपभोक्ता सचेतनामा समेत विद्यार्थीको भूमिका महत्वपूर्ण हुने विश्वास गरिएको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका