Samacharpati
शुक्रबार, फाल्गुन ९, २०७६
  • होमपेज
  • चेतकी प्रज्ञा पुरस्कार–लक्ष्मी स्मृति साहित्यिक पत्रकारिता पुरस्कार घोषणा

चेतकी प्रज्ञा पुरस्कार–लक्ष्मी स्मृति साहित्यिक पत्रकारिता पुरस्कार घोषणा

चेतकी प्रज्ञा पुरस्कार–लक्ष्मी स्मृति साहित्यिक पत्रकारिता पुरस्कार घोषणा

काठमाडौं, २८ मङ्सिर । नेपाली भाषा–साहित्य र साहित्यिक पत्रकारिता, इतिहास, संस्कृति, दर्शन, ललितकला र विज्ञान प्रविधिको क्षेत्रमा विगत १८ वर्षदेखि योगदान गर्दै आएको चेतकी राज्यलक्ष्मी कार्की स्मृति विज्ञान तथा प्रविधि प्रतिष्ठानले “चेतकी प्रज्ञा पुरस्कार–सम्मान तथा सुश्री लक्ष्मी कार्की स्मृति साहित्यिक पत्रकारिता पुरस्कार” घोषणा गरेको छ । जसअनुसार इतिहासतर्फ चेतकी प्रज्ञा पुरस्कार–सम्मान “संशोधन मण्डल”र संस्कृतितर्फ प्रा. डा. जगमान गुरुङलाई प्रदान गर्ने भएको छ । यी दुवै पुरस्कार–सम्मानको राशि रु. ५०र५० हजार रहेको छ ।

त्यसैगरी दर्शनतर्फ चेतकी प्रज्ञा पुरस्कार–सम्मान प्रा।डा। दीर्घराज घिमिरे तथा प्रा.डा. शङ्कर थापा, ललितकलातर्फ प्राज्ञ के–के कर्माचार्य र नेपाली भाषा तर्फ प्रा।डा. चुडामणि बन्धुलाई प्रदान गर्ने भएको छ । यी पुरस्कार सम्मानको राशि रु ३०र३० हजार रहेको छ । त्यसैगरी सुश्री लक्ष्मी कार्की स्मृति साहित्यिक पत्रकारिता पुरस्कार चेतनाथ धमला (प्रधान सम्पादक–कौशिकी), शब्द संयोजन, नवप्रज्ञापन, सङ्गम अभियान र श्रृङ्खलालाई प्रदान गर्ने भएको छ । उपर्युक्त पुरस्कार–सम्मानको राशि रू ३०र३० हजार रहेको छ ।

प्रतिष्ठानले स्कुल र विश्वविद्यालयमा अध्ययन गर्ने २१ जना विद्यार्थीलाई चेतकी राज्यलक्ष्मी छात्रावृति प्रदान गर्ने निर्णय गरेको छ । उक्त प्रतिष्ठानका महासचिव तथा लेखक युवराजसिंह कार्कीद्वारा जारी विज्ञप्तिमा सो कुरा उल्लेख गरिएको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका