Samacharpati
शनिबार, मंसिर २१, २०७६
  • होमपेज
  • भाषाविद् चूडामणि रेग्मीको कृति ‘सखारै सखारै’निबन्ध सङ्ग्रह विमोचन

भाषाविद् चूडामणि रेग्मीको कृति ‘सखारै सखारै’निबन्ध सङ्ग्रह विमोचन

भाषाविद् चूडामणि रेग्मीको कृति ‘सखारै सखारै’निबन्ध सङ्ग्रह विमोचन

भद्रपुर, ८ मङ्सिर । झर्रोवादी नेपाली साहित्यका अभियानकर्मी तथा भाषाविद् साहित्यकार चूडामणि रेग्मीको २८औँ कृति ‘सखारै सखारै’ निबन्ध सङ्ग्रह शनिबार यहाँ विमोचन गरिएको छ । झापाको मेचीनगर नगरपालिका–६ काँकडभिट्टामा साहित्यकार कोमलप्रसाद पोखरेल, सरोज ओली, यज्ञराज प्रसाईँलगायतले कृतिको संयुक्त विमोचन गर्नुभएको हो ।

विसं २०१२ देखि निरन्तर साहित्यिक यात्रामा लाग्नुभएका रेग्मी हाल ८३ वर्ष पुग्नुभएको छ । नयाँ स्रस्टा उत्पादन गर्ने र तिनीहरूलाई गोडमेल गरेर हुर्काउने रेग्मीले कविता र काव्य दुई, कथा सङ्ग्रह तीन, निवन्ध सङ्ग्रह आठ, हास्यव्यङ्ग्य दुई, समालोचना छ, चार भाषा व्याकरणलगायत अढाइ दर्जन कृति प्रकाशन गरिसक्नुभएको छ । रेग्मीलाई झर्रोवादी नेपाली भाषाको अभियन्ताका रूपमा समेत चिनिन्छ ।

बयोवृद्ध अवस्थामा साहित्य साधनामा निरन्तर लागिरहनुभएका रेग्मीले आफूले देखेभोगेका कुरालाई समेटेर सखारै सखारै निवन्ध सङ्ग्रह निकालेको डा ठाकुरप्रसाद पोखरेलले बताउनुभयो । कार्यक्रममा साहित्यकार कोमलप्रसाद रेग्मी, केशव आचार्य, पत्रकार चन्द्र भण्डारीले रेग्मी साहित्यकारलाई हौसाउने र साहित्यमा निरन्तर लाग्न प्रेरणा भर्ने झर्रोवादी नेपाली अभियानका सफल र सक्रिय अभियन्ताको रूपमा दर्ज हुनुभएको बताउनुभयो । भानु साहित्यिक प्रतिष्ठान काँकडभिट्टाले प्रकाशन गरेको कृतिको विमोचनमा झापा, इलाम र मोरङका साहित्यकारको सहभागिता रहेको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका