Samacharpati
शनिबार, मंसिर २८, २०७६
  • होमपेज
  • नगरपालिकाको पहलमा जिल्ला अस्पताल फाप्लुमा चिकित्सक

नगरपालिकाको पहलमा जिल्ला अस्पताल फाप्लुमा चिकित्सक

नगरपालिकाको पहलमा जिल्ला अस्पताल फाप्लुमा चिकित्सक

सोलुखुम्बु, ४ मङ्सिर । जिल्ला अस्पताल फाप्लुमा करीब तीन हप्तापछि चिकित्सकको व्यवस्था गरिएको छ । सोलुदूधकुण्ड नगरपालिकाले छ महिनाका लागि चिकित्सकको व्यवस्था गरेको जनाएको छ । नगरपालिकाले नियुक्त गरेका डा स्मृति गौतमले आइतबारदेखि सेवा दिन थाल्नुभएको अस्पतालले जनाएको छ । अब भने सामान्य उपचारका लागि जिल्ला बाहिर जानुपर्ने बाध्यता हटेको सेवाग्राहीको भनाइ छ । जिल्लामा चिकित्सक नहुँदा स्वास्थ्यचौकीसरह तीन हप्तादेखि सेवा दिँदै आएको अस्पतालले अब भने सहज सेवा दिने स्थानीयवासीको विश्वास छ । फाप्लु अस्पताल परिसरमा भेटिनुभएका वडा नं ११ तिङलाका दानबहादुर बस्नेतले चिकित्सक नहुँदा उपचार हुन्छ भन्ने ग्यारेण्टी नहुने भन्दै अब भने ढुक्क भएको बताउनुभयो ।

कुनै बेला बिरामीले खचाखच भरिने अस्पतालमा अहिले बेड भर्ना हुने बिरामी सङ्ख्या शून्य छ भने ओपिडी सेवा लिनेको सङ्ख्यासमेत ५० प्रतिशतले घटेको छ । गाउँगाउँका स्वास्थ्यचौकीले सिफारिश गर्ने बिरामी जिल्ला अस्पताल आउने भए पनि चिकित्सक नहुँदा त्यत्तिकै जिल्ला बाहिर जानुपरेको थियो । नगरपालिकाले चिकित्सकको व्यवस्था गरेसँगै अब त्यसको समेत अन्त्य भएको माप्यदूधकोशी गाउँपालिका–३ बाट आउनुभएका मनिष शासंकरको भनाइ छ । कुनै समय पाँच चिकित्सकले सेवा दिएको अस्पतालमा एकाएक सेवा प्रभावित हुँदा सङ्घीयताप्रति असन्तुष्ट बनेकाहरु चिकित्सक आएसँगै गुणस्तरीय सेवा पाउने आशामा छन् । सोलुदूधकुण्ड–४ फाप्लुका पेम्बा शेर्पा भन्नुहुन्छ, “सामान्य उपचारका लागि जिल्ला बाहिर जाने समस्याको अन्त्य भयो ।”

स्वास्थ्यकर्मीको समायोजनसँगै चिकित्सक अभाव स्वास्थ्यकर्मीको समायोजनसँगै जिल्ला अस्पतालमा चिकित्सकको अभाव भएपछि यहाँका नागरिकले सास्ती खेप्नुपरेको छ । कुनै समय ११औँ तहका चिकित्सकसहित ३५ दरबन्दी रहेको जिल्ला अस्पताल प्रदेश सरकार मातहतमा गएपछि नवौँ तहका चिकित्सकसहित १८ दरबन्दीमा खुम्चिएको छ । प्रदेश सरकारले समेत नवाौँ तहका सहित दुई चिकित्सक यही हप्ताभित्र पठाइसक्ने जनाएको छ । माथिल्लो तहका सबै चिकित्सक करारमा हुने र तल्लो तहका कर्मचारी दरबन्दीको हुँदा कसको नेतृत्व रहने भन्ने अझै अन्योल छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका