Samacharpati
शनिबार, मंसिर २८, २०७६
  • होमपेज
  • भारतले आफ्नो नक्सामा नेपाली भू–भागलाई समेटेको विरोधमा नक्सा सच्याउनुपर्ने माग गर्दै विद्यार्थीको आन्दोलन

भारतले आफ्नो नक्सामा नेपाली भू–भागलाई समेटेको विरोधमा नक्सा सच्याउनुपर्ने माग गर्दै विद्यार्थीको आन्दोलन

  • रासस
  • शुक्रबार, कार्तिक २२, २०७६
भारतले आफ्नो नक्सामा नेपाली भू–भागलाई समेटेको विरोधमा नक्सा सच्याउनुपर्ने माग गर्दै विद्यार्थीको आन्दोलन

काठमाडौँ, २२ कात्तिक । लिपुलेक, कालापानीलगायत नेपाली भू–भागलाई भारतले आफ्नो नक्सामा समेटेको विरोधमा पशुपति बहुमुखी क्याम्पस चाबहिलका विद्यार्थीले विरोध र्याली गरेको छ । नेपाल विद्यार्थी सङ्घ काठमाडौँ जिल्ला समितिको आयोजनामा आज गरिएको विरोध प्रदर्शनमा ‘हाम्रो सीमा हाम्रो देश प्राण भन्दा प्यारो छ’ भन्ने नारासहित नेपालको एक चिम्टी भू–भाग कसैले मिच्न नपाउने जस्ता नारा लगाइएको थियो ।

एक सय ५० भन्दा बढी विद्यार्थीसहित मित्रपार्कबाट शुरु गरिएको विरोध र्याली चाबहिल चोकलाई परिक्रमा गरी पशुपति क्याम्पसमा आएर कोणसभामा परिणत भएको थियो । सभामा बोल्दै विद्यार्थी नेता राजकुमार तामाङले भारतले सार्वजनिक गरेको नक्सामा नेपाली भूमि अतिक्रमण भएकाले तत्काल उक्त नक्सा सच्चाउनुपर्ने माग राख्नुभयो । सरकारले कूटनीतिकरूपमा समस्याको समाधान गर्नुपर्ने विद्यार्थी नेता प्रेम शाहीले बताउनुभयो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका