Samacharpati
बुधबार, कार्तिक २७, २०७६
  • होमपेज
  • उपन्यास ‘अल्टिमेट आकाश’ को नेपाल संस्करण लोकार्पण

उपन्यास ‘अल्टिमेट आकाश’ को नेपाल संस्करण लोकार्पण

उपन्यास ‘अल्टिमेट आकाश’ को नेपाल संस्करण लोकार्पण

काठमान्डाैँ, ३  कार्तिक । युवा साहित्यकार सन्तोष लामिछानेद्वारा लिखित उपन्यास ‘अल्टिमेट आकाश’ को नेपाल संस्करण लोकार्पण भएको छ । कार्तिक १ शुत्रवार दिउसो  काठमाण्डौको बागबजारमा रहेको हार्दिक होटलको सद्भाव हलमा उपन्यास लोकार्पण गरिएको थियो । लोकार्पण कार्यक्रमको आयोजना उपन्यासको प्रकाशक जनमत प्रकाशन काभ्रेले गरेको थियो । नेपाल प्रज्ञा प्रतिष्ठानका कुलपति गङ्गाप्रसाद उप्रेतीको प्रमुख आतिथ्यमा सम्पन्न उक्त कार्यक्रममा कुलपति द्वय नारायणभक्त श्रेष्ठ (रायन)  संगीत तथा नाट्य प्रतिष्ठान र के के कर्माचार्य , ललितकला प्रज्ञा प्रतिष्ठान स जीवेन्द्र देव गिरी , बरिष्ठ समालोचक तथा पुर्व सचिव नेपाल प्रज्ञा प्रतिष्ठानस प्रा. डा. उषा ठाकुर ,प्राज्ञ र माया ठकुरी , प्राज्ञको बिशेष आतिथ्य रहेको थियो ।

जनमत प्रकाशनका अध्यक्ष तथा बरिष्ठ साहित्यकार मोहन दुवालको सभाअध्यक्षतामा सम्पन्न उक्त कार्यक्रममा लेखकका पिता सामाजिक अभियन्ता डा. भरतप्रसाद लामिछानेले स्वागत मन्तब्य ब्यक्त गर्नुभएको थियो ।  त्यस लगत्तै अतिथीहरूद्वारा उपन्यासको संयुक्त रुपमा लोकार्पण गरिएको थियो । त्यसपछि प्रा. डा. जीवेन्द्रदेव गिरीले पुस्तकको सविस्तार समिक्षा तथा समालोचना गर्नुभएको थियो । अमेरिका जान खोज्ने जो कोही र सन्तान अमेरिका पठाउन खोज्ने अभिभावकहरूलाइ उपयोगी होस् भनेर उक्त कृतिको रचना गरेको उपन्यासकार सन्तोष लामिछानेले प्रकाश पार्नुभयो ।

कार्यक्रममा लेखकलाई के के कर्माचार्य र माया ठकुरीले शुभकामना मन्तब्य राखेपछि कुलपति गङ्गा उप्रेतीले अल्टिमेट आकाश जस्तो उपयोगी उपन्यास प्रकाशित हुनु खुसीको कुरो भएको उल्लेख गर्नुभयो।  करिब २००को संख्यामा विशिष्ठ साहित्यकारहरू र साहित्य अनुरागीहरूको उपस्थिति रहेको उक्त कार्यक्रम साहित्यकार यादव भट्टराईले संचालन गर्नुभएको थियो।  सभाअध्यक्ष दुवालले बिट मारेपछि खाजापान गरेर कार्यक्रम समापन भएको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका