Samacharpati
बुधबार, कार्तिक २७, २०७६
  • होमपेज
  • भेटियो विश्वको पहिलो उपन्यासको पाण्डुलिपि

भेटियो विश्वको पहिलो उपन्यासको पाण्डुलिपि

भेटियो विश्वको पहिलो उपन्यासको पाण्डुलिपि

उपन्यासको बारेमा हामीले धेरै सुनेका छौँ । कतिपयको उपन्यास निरन्तर पढ्ने बानी रहेको छ । कसैले समय बिताउन उपन्यास पढ्ने गर्दछन् । तर उपन्यासको इतिहासको बारेमा धेरैलाई जानकारी नहुन सक्छ । विश्वको उपन्यास कुन होला ? भन्ने जिज्ञासा पनि हुन सक्छ ।

विश्वको पहिलो उपन्यासको पाण्डुलिपी भेटिएको छ । हराएको उक्त उपन्यासको पाण्डुलिपीको एक पाना भेटिएको हो । विश्वको पहिलो उपन्यास मानिने द टेल अफ जेन्जीको हराएको हस्तलिखित भाग फेला परेको हो ।

भेटिएको पाण्डुलिपि उपन्यासको पाँचौं खण्ड हो । जापानको टोकियोमा यो हस्तलिखित पाण्डुलिपि फेला परेको हो । स्थानीय मोटोफुयु ओकाचीको घरमा रहेको ट्वाइलेट कोठामा यो उपन्यासको हस्तलिखित पानाहरु फेला परेका हुन् ।

मुरासिकी शिकिबु नामकी लेखिकाले दशौं शताब्दीमा उक्त उपन्यास लेखेकी थिइन् । सो उपन्यास मिकवा योशिदा डोमेन वंशका जापानी सम्राटका छोरा जेन्जीको जीवनमा आधारित छ । कुल ५४ अध्याय रहेको उक्त उपन्यास दशौं र एघारौं शताब्दीको बीचमा लेखिएको हो । यसमा जेन्जीको युद्ध कौशल, राजनीतिक तथा रोमान्टिक जीवनको वर्णन छ ।

यो उपन्यासको पाण्डुलिपि जुन व्यक्तिको ट्वाइलेट कोठामा फेला पर्यो उनको परिवारको सम्बन्ध मिकवा योशिदा डोमेन वंशसँग रहेको बताइन्छ । यो उपन्यासको सबैभन्दा पुरानो संस्करणलाई कवी फुजिवारा टिकाले पुनः लेखेका थिए । सन् १२४१ मा उनको मृत्यु भयो ।

यो उपन्यासमा जेन्जी र एक महिलाबीचको प्रेमको कथा पनि छ । हालै फेला परेको पाँचौं अध्यायमा प्रेमिकाबाट पत्नी बनिसकेपछि मुरासाकी नामकी महिलाले धोकापूर्ण तरिकाले जेन्जीको हत्या गरेको कथा रहेको छ ।

एजेन्सी

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका