गद्य कविता "दशैं के हो" ? – Samacharpati
Home | About Us | Contact | Unicode |

गद्य कविता “दशैं के हो” ?

समाचारपाटि पोखरा, ९ असोज ।

मलाई छोराले सोध्यो बाबा दशैं के हो ?
मैले भने नेपालीको महत्त्वपूर्ण चाड हो दशैं ।
छोरीले भनी त्यति मात्रै होइन दशैं….

मैले प्रश्न गरेँ छोरीलाई दशैं के हो ?
दशैं के हो निर्मलाका परिवारलाई सोध
गंगामाया अधिकारीलाई सोध
टीकापुरमा गोली लागेर मर्ने दुई बर्षे वालकका परिवारलाई सोध दशैं के हो ?

अपहरण गरि मार्ने वालकका परिवारलाई सोध
सहकर्मीबाट बलत्कृत प्रहरी सुन्तलीलाई सोध
बर्षायामभरि चुहिने त्रिपालमा सुत्नेलाई सोध
दशैं के हो ?

दस बर्षे जनयुद्धका अन्ध अपांगलाई सोध
जनयुद्धका बेला बेपत्ता पारिएकाका परिवारलाई सोध
विदेशमा अलपत्र परेकालाई सोध
दशैं के हो ?

सिमा क्षेत्रमा छिमेकीको अत्याचार सहन पर्नेलाई सोध
भु कम्प पीडितका परिवारलाई सोध
बाढी पहिरो पीडितलाई सोध
दशैं के हो ?

परिवारका निम्ति चर्को घाममा पसिना बेच्नेलाई सोध
बाबाले विदेशबाट पठाएको पैसा लिएर आमा अर्कैसङ्ग भाग्नेका छोराछोरीलाई सोध
दशैं के हो ?

छोरीका कुराले म स्तब्ध भएँ निशब्द भएँ
परेलीका डिलबाट तप्प तप्प आँसु खसे
अनि
आफैले आफैलाई प्रश्न गरेँ
दशैं के हो ?

खड्कमहेन्द्र कुमार फेदीखोला -२ स्याङ्गजा

खाडी मुलुकबाट

तपाईं हामीसंग फेसबुकट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् । समाचार तथा लेख रचना पठाउनु परेमा [email protected] मा पठाउनुहोला ।

प्रतिक्रिया लेख्नुहोस
सम्बन्धित