Samacharpati
बुधबार, मंसिर २५, २०७६
  • होमपेज
  • पोखरा महानगरका वडा कार्यलयहरुमा चोरी रोकिएन, सुरक्षा गार्ड राख्ने तयारी गर्दै महानगर

पोखरा महानगरका वडा कार्यलयहरुमा चोरी रोकिएन, सुरक्षा गार्ड राख्ने तयारी गर्दै महानगर

पोखरा महानगरका वडा कार्यलयहरुमा चोरी रोकिएन, सुरक्षा गार्ड राख्ने तयारी गर्दै महानगर

समाचारपाटी, पोखरा, २३ साउन । पोखरा महानगरपालिकाका वडा कार्यलयहरु निरन्तर चोरको निसानामा परिरहेका छन् ।

११ वटा वडा कार्यालयहरु चोरी भईसक्दा पनि कसले चोर्यो ? किन चोर्यो ? चोरी भएका सामाग्री कहाँ छन् । पोखरेली जनताका महत्वपुर्ण तथ्यांक र डाटा कता छन् ? के भईरहेको छ भन्ने विषय अहिलेसम्म पत्ता लगाउन प्रशासनले सकेको छैन । यद्यपी अनुसन्धान जारी रहेको प्रहरीले जनाएको छ ।

अब भने पोखरा महानगरपालिकाले अव वडा कार्यलयहरुमा सुरक्षा दिन सुरक्षा गार्डको व्यवस्था गर्ने तयारी गरेको बुझिएको छ । पोखरा महानगरपालिका वडा नं. १८ का अध्यक्ष रणबहादुर थापाले वडा कार्यलयहरु चोरीको श्रृङखला नरोकिएपछि वडा कार्यलयहरुमा सेक्युरिटि गार्ड राख्ने तयारी गरिरहेको बताउनुभयो । समाचारपाटीसंगको कुराकानीमा थापाले कार्यपालिका बैठकमा हरेक वडाहरुमा सुरक्षा गार्ड राख्ने र तत्कालका लागि निजि क्षेत्रका सेक्युरीटी कम्पनिबाट सुरक्षा गार्ड राख्ने छलफल भएको र महानगरले त्यसको तयारी गरेको बताउनुभयो ।

गएको सोमबार राती पोखराको लेकसाइडमा रहेको महानगरपालिकाको वडा नं. ६ को कार्यलय चोरी भएको थियो । अहिलेसम्म वडा नं. ६ सहित ५, १२, १३, १४, १५, १६, १९, २५, २९ र ३१ नं. का वडा कार्यलयहरुमा चोरी भईसकेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका