Samacharpati
बिहीबार, मंसिर २६, २०७६
  • होमपेज
  • पोखरा २७ मा प्रधानमन्त्री रोजगार कार्यक्रमबाट बाटो निर्माण

पोखरा २७ मा प्रधानमन्त्री रोजगार कार्यक्रमबाट बाटो निर्माण

पोखरा २७ मा प्रधानमन्त्री रोजगार कार्यक्रमबाट बाटो निर्माण

लेखनाथ,  १९  असार । पोखरा महानगरपालिका वडा नं. २७ ले प्रधानमन्त्री रोजगार कार्यक्रमबाट चन्द्रकालिका मन्दिर पुग्ने सिढी बाटो निर्माण गरेको छ । कार्यक्रम अन्र्तगत पाँच लाख रुपैया बजेटले मन्दिरसम्म पुग्ने सिढी निर्माण गरेको हो । दैनिक १५ जना स्थानीयले सिढी निर्माणका लागि प्रधानमन्त्री रोजगार कार्यक्रमबाट काम गरिहेको वडाध्यक्ष पुर्ण कुमार गुरुङ्गले जानकारी दिएका छन । करिव १ सय ६५ मिटर लामो सिढी निर्माणको काम अन्तिम चरणमा पुगेको समेत उनले बताए । मन्दिर पुग्नको लागि बाटो थिएन वडाध्यक्ष गुरुङ्गले भने—“सिढी निर्माण पछि अहिले सहजहुँदैछ, प्रधानमन्त्री रोजगार कार्यक्रमको बजेट पनि सही ठाउँमा सदुपयोग भएको छ ।”

वडाध्यक्ष गुरुङ्गले अन्यत्र जस्तो देखावटी र बजेट सक्ने नाउँमा घाँस काट्ने नाली सोर्ने जस्तो काम नभई उदाहरणिय काम गरिएको उल्लेख गरे । प्रधानमन्त्री रोजगार कार्यक्रम अन्र्तग फाराम भरेका सहित स्थानीयलाई दैनिक काममा लगाइएको गुरुङ्गले जानकारी दिए । सवारी  साधन रोकिने स्थान देखी माथि पिकनिक स्पोट र मन्दिर सम्म पुग्नको लागि अप्ठ्यारो गोरेटो बाटो रहेकोमा त्यसलाई विस्थापित गरी सिढी निर्माण गरिएको वडा नं. २७ का इञ्जिनियर रविचन्द्र घिमिरेले बताएका थिए ।

पोखरा महानगरमा प्रधानमन्त्री रोजगार कार्यक्रम अन्र्तगत सिढी निर्माणको काम नै उत्कृष्ट रहेको समेत वडाध्यक्ष गुरुङ्गको दावी छ । उनले अहिले स्थानीय सामाग्री प्रयोग गरेर निर्माण गरिएको सिढीलाई थप बजेटको व्यवस्था गरी सिमेन्टेड गर्ने सोच बनाएका छौं, वडाध्यक्ष गुरुङ्गले भने —“त्यस पछि पिकनिक स्पोट र मन्दिर जान अझ सहज हुनेछ ।”

वडा नं. २७ मा रहेको चन्द्रकालिका मन्दिरबाट पोखरा उपत्यका, निर्माणधिन पोखरा क्षेत्रिय अन्तराष्ट्रिय विमानस्थल, पोखराको फेवा सहित बेगनास, दिपाङ, मैदी, खास्टे, गुँदे र न्यूरेनी ताल समेत स्पष्ट देख्न सकिने अध्यक्ष गुरुङ्गले बताए । मनोरम हिमश्रृृखंला र ताल तलैया तथा पोखरा उपत्यकाको दृश्याबलोकन गर्न सकिने भएकाले मन्दिर देखी केही तल पिकनिक स्पोट तयार गरी संचालनमा ल्याइएको वडा सचिव लिलामणि भण्डारीले बताएका छन । पर्यटकीय गन्तव्यका रुपमा विकास गर्न चन्द्रकालिका भ्यू टावर निर्माण गर्ने र सो क्षेत्रवरीपरि फ्रिवाइफाईको व्यवस्था मिलाउनका लागि महानगरमा पहल भैरहेको समेत अध्यक्ष गुरुङ्गले जानकारी दिएका छन ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका