Samacharpati
बुधबार, मंसिर ४, २०७६
  • होमपेज
  • यार्सा टिप्न जादा १२ वर्षका बालकको हिउँमा चिप्लेर मृत्यु

यार्सा टिप्न जादा १२ वर्षका बालकको हिउँमा चिप्लेर मृत्यु

यार्सा टिप्न जादा १२ वर्षका बालकको हिउँमा चिप्लेर मृत्यु

दार्चुला, २४ जेठ  । दार्चुलामा यार्सा टिप्न गएका १२ वर्षका बालकको हिउँमा चिप्लेर मृत्यु भएको छ । जिल्लाको व्याँस गाउँपालिका २ दुम्लिङ गोठानका अनिष विष्टको यार्सा टिप्न गएका बेला हिउँमा चिप्लेर मृत्यु भएको स्थानीय नरेन्द्र बुढोथोकीले बताएका छन् ।

व्याँसको दुधिवन क्षेत्रमा यार्सा टिप्न गएका बालकको पाटनबाट फर्किने क्रममा हुमदुम्ती भन्ने ठाउँमा हिउँमा चिप्लिएर ५ सय मिटर तल खस्दा घटनास्थलमै मृत्यु भएको हो । अनुगमन तथा सुरक्षामा खटिएको सुरक्षाकर्मीहरुको टोलीले बालकको शव घरसम्म पुर्‍याइदिएको छ ।

यार्सा पाटनमा १६ वर्षमुनिका बालबालिकाहरुलाई जान नदिने भन्ने व्यवस्था यार्सागुम्बा व्यवस्थापन निर्देशिका २०७३ मा स्पष्ट उल्लेख छ । तर दार्चुलाका जिल्लाका यार्सा पाटनहरुमा दुधे बालकदेखि १६ वर्षमुनिका सयौं बालबालिका यार्सा पाटनमा गएका छन् । यार्सा पाटनमा अनुमति पत्र लिएकाहरुमध्ये २० जनालाई १० लाखका दरले दुर्घटना बीमा उपलब्ध गराउने अपिनाम्पा संरक्षण क्षेत्र कार्यालय दार्चुलाले जनाएको छ । तर विष्टलाई बीमा सुविधा उपलब्ध गराउने वा नगराउने अन्योल छ ।

source:onlinekhabar

 

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ

धेरै कमेन्ट गरिएका