जोडिनुहोस
  • होमपेज
  • प्रियकांले चुमिन् मिस एसइईको ताज

कास्की

प्रियकांले चुमिन् मिस एसइईको ताज

पोखरा, ९ असार । इभेन्टस् फर यु प्रालि र सारेगम इन्टरटेनमेन्ट हाउसको सहकार्यमा आयोजित छैटौ संस्करणको मिस एसईई पोखरा २०१९ को ताज प्रियंका सुवेदीले चुमेकी छन् । उनले मिस स्र्पोटी एवार्ड र वेष्ट डेस एवार्ड पनि जितिन् । सिल्भर क्राउन, स्कुटर, नगद १० हजार रुपैयाँ हात पारेकी उनले न्यु ग्यालेक्सी माविमा प्लस टु अध्ययन गर्न छात्रवृत्ति, फेसन हबमा डिजाइनर कोर्ष र गोर्खाली पानीको ब्राण्ड एम्बेसर बन्ने अवसर समेत प्राप्त गरिन् ।

यसैगरी प्रतियोगीतामा आयुष्मा गिरी फस्टरर्नसअप बनिन् । उनले सिल्भर क्राउन, नगद १० हजार रुपैयाँ सहित न्यु ग्यालेक्सी माविमा प्लस टु अध्ययन गर्न छात्रवृत्ति र फेसन हबमा डिजाइनर कोर्ष प्राप्त गरिन् । सेकेन्ड रर्नस अप सेन्जिया गुरुङ बनिन् । मिस फोटोजेनिक समेत बनेकी उनले सिल्भर क्राउन, नगद १० हजार रुपैयाँ सहित न्यु ग्यालेक्सी माविमा प्लस टु अध्ययन गर्न छात्रवृत्ति र फेसन हबमा डिजाइनर कोर्ष प्राप्त गरिन् ।

यसैगरी बेष्ट क्याटवाल्क र वेस्ट स्माइल सलोनी प्रधान, मिस टयालेन्ट रोश्ना केसी, वेष्ट पर्सनालिटि ब्लिस ढकाल, भिवर च्वाईसको पुरस्कार लिहा छत्यालले जितिन् । उनीहरुलाई कर्णप्रिय स्वरका धनी कर्णदास, कार्यक्रम संयोजक सुशिल नेपाली र इभेन्टस फर युका अध्यक्ष विशाल गुरुङले पुरस्कार प्रदान गरे । प्रतियोगीताको फाइनलमा १९ जना युवति पुगेका थिए ।

छैटौ संस्करणको मिस एसईई पोखरा २०१९ कार्यक्रममा पोखराका रंगपत्रकार राजाराम पौडेललाई सम्मान गरियो । कान्तिपुर पब्लिकेसन्स प्रालिमा आवद्ध पत्रकार पौडेललाई रंगपत्रकारिताको माध्यमबाट रंगक्षेत्रलाई प्रर्वद्धन र संर्वद्धन गर्न योगदान दिएको भन्दै नगद १० हजार ५ सय सहित दोसल्ला र सम्मानपत्रले सम्मान गरिएको थियो । यसैगरी एचआइभी सक्रमित भएर विश्वको सर्वोच्च शिखर सगरमाथा आरोहण गरेर किर्तिमानी राख्न सफल गोपाल श्रेष्ठलाई पनि सम्मान गरिएको थियो ।

सोही कार्यक्रमको साथमा फिनेफी इभेन्ट म्यानेजमेन्ट समूहको आयोजनामा द ग्राण्ड कन्र्सट एण्ड एजुकेशन फेयर २०७६ आयोजना भयो । फेयरमा विद्यार्थी, अभिभावक, शैक्षिक परामर्शदाता संस्था, शिक्षा प्रदायक संस्थाहरुले अवलोकन गरे । उनीहरुलाई विभिन्न शैक्षिक परामर्श केन्द्रका प्रतिनिधिले वैदेशिक अध्ययनको विषयमा जानकारी गराए ।

एजुकेशन फेयर विगत भन्दा फरक र उपलब्धीमूलक आयोजक सँस्थाका प्रवन्धक बालचन्द्र परियारले बताए । फेयरमा पुग्नेहरु शैक्षिक परामर्श सहित म्युजिकमा रम्न पाए । फेयरको प्रमुख आर्कषणको रुपमा गायक कर्णदासको प्रस्तुती रहेको थियो । यसका अलावा विभिन्न साँगीतिक तथा नृत्य प्रस्तुतीले रौनकता थप्यो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ताजा समाचार

प्रचलन खबर

धेरै टिप्पणी गरिएका