नयाँ दिल्लीमा बालबच्चासहित ७ महिला र चार पुरुषको शव झुण्डिएको अवस्थामा फेला

भारत, १७ असार l भारतको नयाँ दिल्लीमा एउटै परिवारका ११ जनाको शव घरभित्र झुण्डिएको अवस्थामा फेला परेको छ । भारतीय अधिकारीहरुकाअनुसार आइतबार बिहान बुराडीको सन्तनगर इलाकामा बालबच्चासहित ७ महिला र चार पुरुषको शव झुण्डिएको अवस्थामा फेला परेको हो । उनीहरुको सबैको आँखा र मुखमा पट्टी बाँधिएको छ ।

एउटै परिवारमा भएको विभत्स घटनाले गाउँपुरै शोकमा डुबेको छ । प्रहरीले छिमेकीसँग सोधपुछ गरेर अनुसन्धान गरिरहेको जनाएको छ । उनीहरुको शव केही घर भित्र र केही बाहिर झुण्डिएको अवस्थामा फेला परेको हो । छिमेकीले देखेपछि प्रहरीलाई खबर गरेका थिए । त्यसपछि प्रहरी घटनास्थल पुग्दा उक्त घरको ढोकासमेत खुला रहेको थियो ।

 

फर्निचर र किराना पसल सञ्चालन गर्दै आएको उनीहरुको परिवार मिलनसार रहेको स्थानीयले बताएका छन् । यता प्रहरीको प्रारम्भिक अनुसन्धानले आत्महत्या हुन सक्ने अनुमान गरेको छ ।

तपाईं हामीसंग फेसबुकट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् । समाचार तथा लेख रचना पठाउनु परेमा [email protected] मा पठाउनुहोला ।

प्रतिक्रिया लेख्नुहोस
सम्बन्धित