३३ किलो सुन प्रकरणमा दोस्रो मृत्यु : प्रहरी हिरासतमै प्रेमलालको रहस्यमय मृत्यु !

फागुन पहिलो साता त्रिभुवन विमानस्थलबाट बाहिरिएपछि गायब पारिएको ३३ किलो सुन प्रकरणमा पक्राउ परेका प्रेमलाल चौधरीको प्रहरी हिरासतमै रहमस्यमय मृत्यु भएको छ ।

बिहीबार पक्राउ परेका चौधरीलाई महानगरीय प्रहरी वृत सिंहदरबारको हिरासतमा राखिएको थियो । शुक्रबार बिहान ४ बजेर ४५ मिनेटमा चौधरी हिरासतको ट्वाईलेटमा अचेत अवस्थामा फेला परेको सिंहदरबार वृतमा कार्यरत एक जुनियर अधिकृतले बताएका छन् ।

अचेत अवस्थामा फेला परेका चौधरीलाई प्रहरीले वीर अस्पताल लगेको थियो । डाक्टरले उनलाई मृत घोषित गरिसकेका छन् । प्रहरी स्रोतका अनुसार चौधरीले वृतको शौचालयमा आफैंले लगाएको ट्रयाकसुट घाँटीमा पासो लगाएर आत्महत्या प्रयास गरेका थिए ।

तपाइँले पनि आफ्नो लेख रचना अनि समाचार पठाउन सक्नुहुन्छ : त्यसको लागि [email protected] मा हामीलाई इमेल गर्नुहोस। धन्यबाद ।

scroll to top