पाेखरा लेकसाईडमा पर्यटकलाई दु:ख दिने तथा नसालु पदार्थ सेवन गराउन खोज्ने विभिन्न कसुरमा संलग्न दश जना व्यक्तिहरु लाई प्रहरीले पक्राउ गरेकाे छ ।
वडा प्रहरी कार्यालय वैदाम कास्कीबाट खटिएको प्रहरी टोलीले लेकसाईडमा पर्यटकलाई नशालु पदार्थ सेवन गराउन खोज्नेसहित विभिन्न कसुरमा संलग्न दश जना पक्राउ गरी अभद्र व्यवहारमा मुद्दा चलाईएको छ । जिल्ला कास्की पोखरा महानगरपालिका वडा नं ६ लेकसाईडमा बिदेशी तथा स्वदेशी पर्यटकहरुलाई बाटोमा नशालु पदार्थ सेवन गर्नको लागी दवाव
दिने नमानेमा बाटोमा हिड्ने पर्यटक तथा मानिसहरुलाई हैरानी गरी आतङ्कित पारेको भन्ने सुचनाको आधारमा पुष २ गते सोमवार वडा प्रहरी कार्यालय बाट खटिएको प्रहरी टोलीले लेकसाईड वडा नं ६ बिजिवि गल्लीमा समुह बनाई नशालु पदार्थ सेवन गरी हो हल्ला गर्दै हिडिरहेको अवस्थामा पोखरा १६ दिप वस्ने वर्ष २० का प्रतिवादी डिलन श्रीष मगर, जिल्ला
कास्की माछापुछ्रे गाउपालिका ५ वस्ने वर्ष २० का सन्देश बि.क., पोखरा ६ ठाडोपसल वस्ने वर्ष ३० का सुरेश थापा, पोखरा ६ जरेवर वस्ने वर्ष २९ का महेन्द्र भण्डारी र गोरखा भिमसेन गाउँपालिका ८ वस्ने वर्ष ३२ का सुरेश थापासहित ५ जानालाई प्रहरीले फेला पारेकाे हाे ।
उनिहरुलाई सम्झाई बुझाई गर्दा उल्टै डिउटीमा खटिएका प्रहरी कर्मचारीलाई अपशव्द प्रयोग गरी विवाद गरेपछि उनिहरुलाई प्रहरीले पक्राउ गरिएको हाे । पुष ३ गते मंगलबार विहान जिल्ला कास्की पोखरा महानगरपालिका वडा नं ६ लेकसाईड स्थित स्ट्रिट नं ४ अगाडी सडकमा मादक पर्दार्थ सेवन गरी मर्निङ वाकमा हिडिरहेका महिलाहरुलाई अपशब्द प्रयोग गरी हातपात गर्न खोजेको अवस्थामा स्थानीयवासीले सम्झाउदा उल्टै हातपात गरी घाईते वनाउने वाग्लुङ जिल्ला नगरपालिका वडा नं १२ घर भई हाल पोखरा महानगरपालिका वडा नं ६ वस्ने वर्ष २७ का डेविड भन्ने डिल्ली प्रसाद पौडेल,त्यसैगरी पुष २ गते सोमवार रातको समयमा लेकसाईडमा मादक पदार्थ सेवन गरी होहल्ला गरी अशान्ति फैलाउने जिल्ला बाग्लुङ काठेखोला गाउँपालिका वडा नं ५ घर भई हाल जिल्ला कास्की पोखरा महानगरपालिका वडा नं ५ मालेपाटन बस्ने बर्ष २६ को बिक्रम थापा, स्याङ्जा गल्याङ नगरपालिका वडा नं१ घर भई हाल जिल्ला कास्की पोखरा महानगरपालिका वडा नं १४ काजिपोखरी बस्ने बर्ष ३१ को आशिष थापा,पुष २ गते सोमवार वेलुकी ५ वजेको समयमा पोखरा महानगरपालिका वडा नं ९ चाईनापुल स्थित शंकास्पद अवस्थामा हिडिरहेको अवस्थामा सोधपुछ गर्दा उल्टै प्रहरी माथि नै अपशव्द प्रयोग गर्ने पोखरा १४ वस्ने वर्ष ३२ का शिब बहादुर कार्की, पोखरा ९ बस्ने बर्ष २७ को शंकर भुजेल सहित प्रतिवादीहरु सबैजनालाई छुट्टाछुट्टै अभद्र व्यवहार सम्वन्धी कसुरमा आजै
जिल्ला प्रशासन कार्यालय कास्कीबाट पहिलोपटक सातदिनको म्याद थप गरी अनुसन्धान गरिरहेको छ ।