जोडिनुहोस
  • होमपेज
  • भिजन मन्टेश्वरी टिचर्स टेनिङ सेन्टरबाट करिब ८० जना विद्यार्थीहरु प्रशिक्षित

कास्की

भिजन मन्टेश्वरी टिचर्स टेनिङ सेन्टरबाट करिब ८० जना विद्यार्थीहरु प्रशिक्षित

पोखरा, ३ भदौ । “Vision to the CHILD, to the TEACHER & PARENT and to the SOCIETY & NATION” भन्ने मुल नाराका साथ पोखरा महानगरपालिका वडा नं. २७ लेखनाथमा २०७५ साल भाद्र महिनामा स्थापित भिजन मन्टेश्वरी टिचर्स टेनिङ सेन्टरबाट करिब ८० जना विद्यार्थीहरु प्रशिक्षित भएका छन् । एक वर्ष भित्रमा ८० जना नव प्रवेशी शिक्षक र शिक्षण पेशामा आवद्ध भएका शिक्षकहरुलाई तालिम प्रदान गरिएको छ । संस्थाको वार्षिकोत्सव तथा प्रमाण पत्र वितरण कार्यक्रम पोखराको तालचोकमा सम्पन भएको छ ।

????????????????????????????????????

भिजन मन्टेश्वरी टिचर्स ट्रेनिङ सेन्टरका म्यानेजिङ डाइरेक्टर दुर्गा सिग्देलले कार्यक्रमको अध्यक्षता गर्दै मारिया मन्टेवश्वरीको शिक्षण विधि र बाल केन्द्रित शिकाइको आवश्यकता औल्याउनु भएको थियो । साथै उहाँले मानव उमेरको बौद्यिक विकास जन्मदेखि ५ वर्षको उमेरमा ९० प्रतिशतसम्म हुने भन्दै यस समयमा घरपरिवार, समाज र राष्ट्रले महत्वपूर्ण भुमिका निर्वाह गरेमा योग्य र सक्षम व्यक्तिको उत्पादन हुन सक्ने कुरा उल्लेख गर्नु भएको थियो ।

त्यसैले आफू पनि यस क्षेत्रमा लागि परेको कुरा बताउनु भएको थियो । कार्यक्रममा डाइमन सेकेन्डरी विद्यालयका डाइरेक्टर माधव शरण उपाध्याय, पोखरा चेम्बर अफ कमर्सका उपाध्यक्ष गीता तिवारी, क्यान कास्कीका अध्यक्ष्य युवराज पौडेल, मानव मिलन कन्द्रबाट सावित्रि शर्मा तथा उक्त संस्थाका सह सस्थापक बाबुराम न्यौपानेले लगायतका वक्ताहरुले संस्था र मन्टेश्वरीका बारेमा मन्तव्य व्यक्त गर्नु भएको थियो । साथै उक्त सेन्टरबाट कम्प्युटर शिक्षा समेत उपलब्ध गराईने भएकोले कम्प्युटर एशोशिएसन महासंघ, नेपालको सदस्यता प्रमाण पत्र महासंघ, कास्कीका अध्यक्ष युवराज पौडेलले प्रदान गर्नु भएको थियो । उक्त कार्यक्रमको सन्चालन प्रविणा विश्वकर्माले गर्नु भएको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

धेरै टिप्पणी गरिएका