पोखरामा अन्तर लायन्स फुटवल प्रतियोगिता सुरु

पोखरा, २८ माघ l लायन्स क्लव अफ पोखरा डाउन टाउनको आयोजनामा पोखरामा शनिवारदेखी अन्तर लायन्स ऐट ए साईड फुटवल प्रतियोगिता सुरु भएको ।  फागुन १ गतेसम्म पुरानो टुँडीखेलको खेल मैदानमा हुने प्रतियोगिताको लायन्स पिएमसिसी एमजेएफ दीपक श्रेष्ठ उद्घाटन गरे । शनिवारको खेलमा लायन्स क्लव अफ पोखरा डाउन टाउन विले लायन्स गार्डेन सिटीलाई ५–२ गोलअन्तरले पराजित गरेको छ । त्यस्तै दास्रो खेलमा लायन्स पोखरा मुनालले काठमाण्डौ एभरेष्ट सनसाईनलाई ५–० गोलले पराजित गर्यो । त्यस्तै लायन्स सुन्दर नगरिले पोखरा हेल्पफुल हेन्डलाई १–० ले पराजित गर्यो । आजको अन्तिम खेलमा लायन्स पोखरा ग्लोवल लेक सिटीले पोखरा सेन्ट्रल स्टेटलाई २–० गोलले पराजित गरेको प्रतियोगिता संयोजक भानुभक्त अधिकारीले जानकारी दिएका थिए ।

विजेता टिमहरु क्वाटरफाईनलमा प्रवेश गरेका छन् । क्लवका अध्यक्ष हरी पराजुलीको अध्यक्षतामा भएको उद्घाटन सत्रमा लायन्स को एडभाईजर विशेश्वर आचार्य, रिजन चियर पर्सनहरु नारायणहरी भण्डारी, क्लवका आईजीपि रहमोहन सुवेदी तथा प्रतियोगिता संयोजक भानुभक्त अधिकारी लगायतले वोलेका थिए ।


प्रतियोगितामा लायन्स क्लव डिष्ट्रिक ३२५ वि १ अन्तर्गतका १६ वटा क्लवहरुले सहभागिता जनाएका छन् । लायन्स क्लवहरुविच आपसी भाईचारा र सम्वन्ध प्रगाढ वनाउने उदेश्यले प्रतियोगिता आयोजना गरिएको क्लवका अध्यक्ष पराजुलीको भनाई छ ।  प्रतियोगितामा विजेतालाई नगद ५५ हजार ५ सय ५५ तथा उपविजेता टिमले नगद ३३ हजार ३ सय ३३ रुप्रैयाँ, ट्रफी र प्रमाणपत्र पाउने छन् । त्यसैगरि उत्कृष्ट खेलाडीहरुलाई पनि ट्रफि र प्रमाणपत्र पाउने छन् ।

Leave a Reply

Your email address will not be published. Required fields are marked *

scroll to top