हेमजा । हेमजा उद्याेग ब्यवसाय समिति पोखरा २५ हेमजाको पहिलो साधारण सभा तथा प्रथम अधिवेशन शनिबार सम्पन्न भएको छ । अधिवेशनले मिनराज तिमिल्सिनाको अध्यक्षतामा नयाँ कार्य समिति चयन गरेको छ । समितिको उपाध्यक्षमा सुशीला पाठक त्रिपाठी, महासचिवमा राजेन्द्र बाँस्तोला, सचिवमा तिर्थराज देवकोटा र कोषाध्यक्षमा सुशीला पौडेल बाँस्तोला चयन हुनुभयो । अन्य सदस्यमा उपेन्द्र सापकोटा, धुर्व परियार, प्रदिप सापकोटा, कृष्ण अधिकारी र सृष्टि अधिकारी रहनु भएको छ । साथै ३ सदस्य मनोनीत गरिने सचिव तिर्थराज देवकोटाले जानकारी दिनुभयो ।
कार्यक्रमको उद्घाटन गर्दै प्रमुख अतिथि पोखरा उद्याेग ब्यवसाय संघका अध्यक्ष पवनकुमार प्रजापतिले हाम्रो ब्यवसायमा आफनो उत्पादन बडाउनु पर्ने बताउदै सरकारले ब्यवसायलाई केही नगरेको उल्लेख गर्नुभयो । हेमजालाई पोखरा उद्याेग ब्यवसायको इकाई बनाउन पहल गर्ने बताउदै आर्थिक मण्डी भएको अवस्थामा कर बडाउन नहुने बताउनुभयो । कार्यक्रममा वडा सदस्य कृष्णबहादुर कुँवर, कपडा ब्यवसाय सघं कास्कीका अध्यक्ष गजेन्द्रमान श्रेष्ठ, पोखरा इलेक्ट्रोनिक ब्यवसाय संघ कास्कीका अध्यक्ष नारायण सुवेदी र सदस्य धुर्बबहादुर परियारले शुभकामना दिनु भएको थियो ।
संयोजक मिनराज तिमिल्सिनाले ब्यवसायको हक हितको लागि समिति भएको बताउँदै समिति गठन र दर्ता गर्दा भोग्नु परेको समस्य बारे जानकारी गराउनु भएको थियो । हाल १२३ जना सदस्य रहेको कोषाध्यक्ष तिर्थराज देवकोटाले जानकारी दिनुभयो ।
संयोजक मिनराज तिमिल्सिनाको अध्यक्षतामा भएको कार्यक्रममा स्वागत सदस्य सुशीला बाँस्तोलाले र सञ्चालन सचिव राजेन्द्र बाँस्तोलाले गर्नुभएको थियो ।