काठमाडौं । नेकपा एकीकृत समाजवादी का अध्यक्ष माधवकुमार नेपालले राष्ट्रपति एमालेबाट बनाएमा उचित नहुने बताउनु भएको छ।
समाजवादी प्रेस संगठन कास्कीले आज पोखरामा आयोजना गरेको पत्रकार भेटघाटमा उहाँले त्यस्तो बताउनु भएको हो ।
नेपालले शक्ति सन्तुलनका हिसाबले पनि एमालेलाई राष्ट्रपति दिन नहुने उहाँको भनाइ छ । सभामुख र राष्ट्रिय सभाका अध्यक्ष नेकपा एमाले बाटै भएको अवस्थामा राष्ट्रपति समेत एमालेलाई नै दिँदा शक्ति सन्तुलन गुम्ने बताउनुभयो ।
देशमा राजनीतिक स्थायित्व कायम गर्न तथा संविधानको रक्षा गर्न राष्ट्रपतिमा सहमति हुनुपर्ने उहाँको भनाइ छ ।