अमेरिकाले उत्तर कोरियाली नेताको लगातार आलोचना गरिरहँदा रुसी राष्ट्रपतिले कोरियाली नेताको प्रशंसा

मस्को, २८ पौष । रुसका राष्ट्रपति भ्लादिमिर पुटिनले उत्तर कोरियाली सर्वोच्च नेता किम जोङ उनको प्रशंसा गरेका छन् । अमेरिकाले उत्तर कोरियाली नेताको लगातार आलोचना गरिरहँदा रुसी राष्ट्रपति पुटिनले भने खुलेर प्रशंसा गरेका हुन् । पुटिनले उत्तर कोरियाली नेता किमलाई एक सक्षम र परिपक्व नेता भनेर प्रशंसा गरेका छन् ।

कोरियाली प्रायद्वीपमा तनाव कम गर्नका लागि उत्तर कोरियाली नेता किमले गरेको प्रयास प्रशंसनीय रहेको रुसी राष्ट्रपति पुटिनको भनाइ छ । उत्तर कोरियासँग परमाणु अस्त्र र वैश्विक स्तरमा प्रहार गर्न सक्ने क्षेप्यास्त्र रहेको चर्चा गर्दै पुटिनले भने, ‘यसका बाबजुद उत्तर कोरियाली नेता किमले तनावको स्थितिलाई सुल्झाउन गरेको प्रयास प्रशंसनीय छ ।’ पुटिनले हालै उत्तर कोरिया र दक्षिण कोरियाबीच भएको वार्तालाई सकारात्मक रुपमा आफूले लिएको पनि बताए ।

तपाईं हामीसंग फेसबुकट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् । समाचार तथा लेख रचना पठाउनु परेमा [email protected] मा पठाउनुहोला ।

प्रतिक्रिया लेख्नुहोस
सम्बन्धित