फेवा टेलिभिजनका स्टेशन म्यानेजर अधिकारी पोखरामा सम्मानित

समाचारपाटी, पोखरा, २८ साउन । फेवा टेलिभिजनका स्टेशन म्यानेजर हेमराज अधिकारी पोखरामा सम्मानित हुनुभएको छ । पोखरा नगर रेष्टुरेण्ट तथा बार एशोसियसन (सिटी रेवान) ले अधिकारीलाई आज पोखरामा सम्मान गरेको हो । सिटि रेवानको सातौं अधिवेशन एवं सोह्रौं साधारण सभामा अधिकारीलाई जिल्ला समन्वय समिति कास्कीका अध्यक्ष वैन वहादुर क्षेत्री र जिल्ला प्रह्री कार्यालय कास्कीका प्रहरी प्रमुख अशोक सेनले सम्मान गर्नुभएको हो ।

अधिकारीलाई पत्रकारिता मार्फत समाजमा पुर्याउनुभएको योगदानको कदर गर्दै सम्मान गरिएको हो । भोजपुरको च्याङ्ग्रेमा जन्मिएका अधिकारीले पोखरालाई आफ्नो कर्मथलो बनाइ रहनुभएको छ । विगत १० बर्षदेखि पत्रकारीता पेशामा आवद्ध अधिकारी नेपाल टेलिभिजनले प्रत्येक वर्ष प्रदान गर्दै आएको हेम शुनिल राष्ट्रिय जोखिमपूर्ण पत्रकारीता पुरस्कार २०७२, पृथ्वी होटल व्यवसायी संघ पोखरा, जनएकता क्लब चाउथे, पोखरा दौतरी दहोरी साझ, सात ताल दहोरी साझ, माईन्ड फ्रेश राष्ट्रिय साप्ताहिक, रिमझीम दोहोरी साझ, स्याङ्गजा उद्योग बाणिज्य संघ, लगायत दर्जनौ संघ सस्थाबाट सम्मानित भैसक्नुभएको छ । साथै उहाँले यो क्षेत्रमा हुने गरेका मेला महोत्सबको प्रबर्धनमा पनि महत्वपूर्ण भुमिका खेल्नुभएको छ ।

तपाईं हामीसंग फेसबुकट्वीटर मार्फत पनि जोडिन सक्नुहुन्छ । फेसबुक र ट्वीटरमा जोडिएर चाडो समाचार पाउनुहोस् । समाचार तथा लेख रचना पठाउनु परेमा samacharpati@gmail.com मा पठाउनुहोला ।



प्रतिक्रिया लेख्नुहोस
सम्बन्धित